香港608冰室 (青山道) (已結業)

荔枝角有好多餐厅，但系亦都有好多人喺呢头返工！不过，12点食 lunch 嘅话其实都有好多选择，所似好少会去呢一间608，曾经试过一两次堂食，粉面常餐𠮶啲都冇咩唔妥嘅，不过地方比较迫，坐得麻麻地。今日同事们决定叫呢一间608嘅外卖，我见攰攰地，就唔出去食，join 大家一齐叫外卖啦。点知呢个决定真系错到离晒谱！！！叫咗个午餐沙姜鸡饭，配例汤同嘢饮，加埋外卖盒钱总共$51，但冇谂过咁差表面睇落去都冇乜嘢，份量唔算太多但都OK啦。但一夹开旧鸡就出事啦，骨位血红色咁，见到都唔想食！啲沙姜系糕状咁，鸡唔嫩滑、饭好硬成个餐最正常系碗例汤，同杯冻柠茶！可能堂食会好啲，不过我唔会再试。