Porker (已搬遷) 新店位置

友人介绍新开既吉列猪扒店，一响都食开铜锣湾食咗几十年果间店，更系要试下食新野睇下有无得同佢比美味啦～星期五晚7点几，等咗大约30分钟就可以入座，唔算太多人，但佢地话要1个钟头交枱给其他客人，心谂呢到食个餐都要成2百蚊，点解好似食快餐咁既，已经黎到试菜就算啦! 我叫咗熟成肉眼猪套餐，老公叫咗猪柳同西冷套餐。眼见其他食客既猪扒已心知不妙，面头有一层油，因我食开果间表面系唔会见到油十分干爽的。好啦野食黎到啦，果然个面系见到有油，底部更多，食落大家都预架啦，食到一口油，完全无酥脆既口感，败笔! 沙律中规中矩但佢地个芝麻沙律酱，味道好浓，这个我喜欢。呢到系无得添饭同加菜的，连茶水都无提供，座位十份迫~