影片
更多
2024-09-11
1190 浏览
神灯海鲜酒家位于佐敦站附近嘅 18 广场嘅地下及一楼，地方都几算几明亮、几宽敞、几干净。我哋去到嘅时候大约 8:30pm左右，餐厅坐得满满，多数都系一枱5-7个人多。平日都满座，可想而知呢度系绝对有保证！出名做手工粤菜嘅神灯海鲜酒家。除咗有传统嘅粤菜菜式外，仲有唔少嘅创新菜式，为传统嘅粤菜加添咗新意同活力，招牌嘅黑松露玻璃烧鹅就系其中一款新派创意之作。呢度除咗传统同创新菜式都系心机嘢之外，呢度嘅服务都系超好！侍应会周不时过嚟换碟，refill茶壶，而且仲超级好礼貌，服务得非常周到、贴心 ❤️我哋点咗几款神灯必试推介：⭐黑松露玻璃烧鹅 $238 / 1/4 只 | $468 / 半只 | $888 / 全只我哋叫咗1/4只烧鹅都已经大大份。唔好净系睇见外表黑妈妈嘅黑松露玻璃烧鹅就觉得唔吸引，其实呢个烧鹅充满内涵，黑松露腌制咗嘅鹅再烤，表皮黑得嚟好有光泽。喺脆皮底下系一层薄薄但肥美嘅肥膏，入口即溶嘅皮同啖啖肉同个黑松露汁同酸梅酱好夹，好醒胃。⭐糯米炒膏蟹 $588呢个糯米饭够晒惹味出色，未开盖嘅时候已经闻到一阵炒糯米饭嘅香味。一打开个煲盖更加不得了，店员叫我哋捞一捞个饭，果阵香喷喷嘅炒糯米饭
出名做手工粤菜嘅神灯海鲜酒家。除咗有传统嘅粤菜菜式外，仲有唔少嘅创新菜式，为传统嘅粤菜加添咗新意同活力，招牌嘅黑松露玻璃烧鹅就系其中一款新派创意之作。
呢度除咗传统同创新菜式都系心机嘢之外，呢度嘅服务都系超好！侍应会周不时过嚟换碟，refill茶壶，而且仲超级好礼貌，服务得非常周到、贴心 ❤️
我哋点咗几款神灯必试推介：
⭐黑松露玻璃烧鹅 $238 / 1/4 只 | $468 / 半只 | $888 / 全只
我哋叫咗1/4只烧鹅都已经大大份。唔好净系睇见外表黑妈妈嘅黑松露玻璃烧鹅就觉得唔吸引，其实呢个烧鹅充满内涵，黑松露腌制咗嘅鹅再烤，表皮黑得嚟好有光泽。喺脆皮底下系一层薄薄但肥美嘅肥膏，入口即溶嘅皮同啖啖肉同个黑松露汁同酸梅酱好夹，好醒胃。
⭐糯米炒膏蟹 $588
呢个糯米饭够晒惹味出色，未开盖嘅时候已经闻到一阵炒糯米饭嘅香味。一打开个煲盖更加不得了，店员叫我哋捞一捞个饭，果阵香喷喷嘅炒糯米饭香味即刻出晒嚟。口感方面，呢只膏蟹系爆膏蟹，蟹膏连埋糯米饭炒，实实嘅蟹膏，加上糯米饭嘅烟韧同脆香嘅饭焦为呢个饭嘅口感增加咗唔少嘅层次。
⭐蜜汁脆烧鳝 $278
肥美嘅烧鳝啖啖肉，表面脆卜卜嘅烧鳝配上微甜嘅蜜汁加上柠檬汁估唔到又几夹，唔会抢走咗鳝本身嘅鳝味。食到停唔到，一嚟就已经食咗三旧 😋
⭐卤水猪生肠 $158
橙色嘅猪生肠！卤水猪生肠都卤得好入味之余，爽口得嚟几有口感，一啲都唔韧，而家呢啲咁地道嘅冷盘喺酒楼真系买少见少
⭐凉拌猪脚筋 $98
腌得好入味嘅凉拌猪脚筋，麻香清新，充满咗含丰富蛋白质。有嚼劲、好烟韧得嚟一啲都唔韧 ，系一道非常啱大热天时嘅开胃前菜。
⭐酱皇翡翠鸳鸯蚌 $228
经典嘅粤菜菜式，用上XO酱炒嘅酱皇翡翠鸳鸯蚌用上珊瑚蚌和桂花蚌，煮得恰到好处嘅鸳鸯蚌爽脆鲜甜，配上爽口嘅西芹、甜椒够镬气得嚟够健康
🍮桂花糕 + 牛奶奶冻
最后送嘅甜品，有桂花糕同牛奶奶冻，桂花糕有淡淡嘅花香得嚟又唔会太甜，清清地食落几舒服。牛奶奶冻嘅牛奶味都几出，虽然系送嘅甜品，但一啲都唔hea，抵赞！
张贴
