村爺爺龍蝦湯.泡飯.燉湯專家

营业中

休息中

今次有嚟到一间系旺角既排队店，舖头外表好简简单单，佢系条行仔入边，同一般嘅车仔面档差唔多，但系你一经过就会见到一条人龙，一定揾到佢。鲍鱼花胶螺头鸡煲呢度啲出品真系真材实料㗎，足足有半只鸡，花胶，鲍鱼，饮佢啲汤，好浓郁嘅鸡汤，饮得出系实料。啲鸡好嫩滑，啲鸡胸位都唔会鞋，一啖饭一啖汤，食完都饱到上心口。龙虾汤饭龙虾汤饭都系呢度嘅招牌菜，龙虾系半个原只嘅波士顿龙虾，上菜嘅时候会跟埋个钳，方便你拆开啲蟹钳黎食，除咗龙虾，佢仲有啲元贝，青口蚬咁，简直系一个海鲜煲，咁多海鲜，个汤就一定好鲜甜，而且每样海鲜都好爽口。最后仲叫多咗个招牌小食，墨鱼卷同埋鱼腐，两样小食都好食，墨鱼卷炸得岩岩好，鱼腐就外脆内软。