綠茶餐廳 (希慎廣場)

营业中

休息中

入门口见到有个古筝，感觉已经好有中国风，入到餐厅内，摆设咗好多盆景造型🪴以及好像月亮嘅灯饰🌕，整间餐厅充满浓浓嘅清新中国风，并播放著古筝弹奏嘅音乐🎶。🥢杭椒毛豆炒牛肉 $118牛肉软腍鲜嫩，其他食材有三色椒、雪菜、毛豆、豆干及笋片，整体惹味香口。🥢虾汤泡饭 $88煲上热辣辣，脆米直接倒落黄金橙色嘅虾汤，泡饭与脆米索满浓郁虾汤，双重口感双重滋味😋。🥢粉丝裹虾$108即场将鲜虾煮熟，揭开盖一刻香味爆发💫，虾嘅生熟度刚好，爽弹多汁，仲有好多只虾添；整体蒜蓉味激浓超正，粉丝Q弹索满酱汁好惹味👍。🥢蛤蜊丝瓜78蛤蜊鲜嫩，丝瓜清甜并配合虾米嘅咸香，煲出嚟嘅 汤头鲜甜浓郁，简单嘅食材却食出原味道😋。🥢海苔松仁芝麻球$38黑芝麻流心食得多，海苔流心第一次食，超有惊喜🤩，确实好香海苔味，里面仲有好多一粒粒嘅松仁，外表芝麻香脆，而内里Q弹口感，赞👍。🫖有龙井绿茶及九曲红梅茶可选择，我哋拣咗龙井，香气清香淡雅，饮落甘香爽滑，茶位$12可惜刚刚已埋单，见隔离枱叫咗两杯好吸睛嘅饮品，原来系新品推出叫龙井柠檬茶及红宝石琉璃，唯有留待下次午市再来喇，点解系午市？因为午市惠顾有江南绿茶饼送呀😆。