賓墟冰室

营业中

休息中

今日去咗青衣既宾墟冰室，佢既位置好方便，位于青衣城同长安村中间既灏景湾，所以午市既时候都见唔少人帮衬。入到去我地叫咗芝士焗葡汁鸡球饭同芝士肉酱焗猪扒意粉。首先黎咗既系冻柠蜜同冻柠茶，杯冻拧茶做得出色，茶底一流，柠檬新鲜。跟住黎左个芝士肉酱焗猪扒意粉，睇得出猪扒个量唔少，啖啖肉，如果肉酱有再多啲比我捞意粉就更好啦。最后黎咗个芝士焗葡汁鸡球饭，今次呢个啲汁好多，捞饭一流，而且个鸡球啲肉都好嫩滑。呢度除咗焗嘢之外，仲有好多选择，例如炒粉面饭、小菜等，下次有机会要再黎嗌其他嘢食。