Neway Karaoke Box (已結業)

俾少几十蚊，就系同ceo唔同既地方。亦就系呢少少钱，我就少左好多素食选择啦，因为ceo有个素食专区架><。不过，都依然有既，甜栗米、薯蓉同火锅都适合素食者的。甜粟米非常好食呀，好甜、爽口、粒粒分明!而薯蓉呢就应该系配合其他主菜一齐食既，但我出到去已经得返薯蓉，唔紧要啦、照食！薯蓉好湿润，有香浓忌廉味，而且磨得好软，口感非常细滑。火锅都比以前进步，有辣有唔辣﹝汤底﹞、任君选择。较深色呢个甜甜地、唔辣，用黎煮公仔面同菜都好入味，三两分钟就得。而且仲有个专人姐姐指导我地用个炉、以免发生危险。其实建议可以好似ceo咁就好啦，其他ceo个沙律系分开一种一种蔬果、自己钟意咩就选咩，酱都系自己选。呢度就有3个沙律，但mix埋晒蟹肉蟹子、三文鱼同沙律酱，搞到素食者根本食唔到。另外，凉伴小菜的选择又系零，起码加返少少中华沙律同斋老味。