影片
更多
2015-03-21
1111 浏览
呢篇系小弟第一篇食评，希望大家多多指教。 话说前一晚电视台报导长洲嘅关公忠义亭啲樱花已经开咗，小弟已经决心去𠮶度趁下墟。但点知第二日起身都已经系晏昼，而且夜晚我有其他嘢做，不过都即刻爬起身，打算赶到一小时后班船都叫做冲入去影到先…………最后，究竟赶唔赶到班船呢？个答案就系 － 赶到班船就唔会有呢篇食评啦。 一兰初期开业嘅印象对我黎讲仲系记忆犹新，譬如系话排3，4个钟先有得食、凌晨仲要排好耐队等等。今次去一兰嘅想法都系即兴，见到长龙就即刻走𠮶种心态。但点知一去到………咦，呢条街咁冷清嘅？呢间真系一兰嚟？系咪闩咗门咋？呢几条问题一直喺我脑中盘旋，直至到有人喺入面埋完单出嚟先知原来有开门。原来喺过咗热潮过后嘅某平日晏昼，一兰系完全可以WALK IN有位拣的。 一兰只有一款豚骨拉面拣，但我认为呢样嘢有好有坏。坏嘅当然系无其他款俾人拣，但好嘅就系因为佢只系专注煮一款面，令到我哋客人可以有更细节嘅选项可以拣，亦系我欣赏喜欢嘅地方。今次「初嚟报到」，决定唔拣「重口味」先拣咗汤底浓郁，２倍辣，软硬度拣普通，有青葱，有叉烧，另外再加只溏心蛋($12)。一兰嘅布局唔洗我多讲吧，呢个自修室布局我个人觉
话说前一晚电视台报导长洲嘅关公忠义亭啲樱花已经开咗，小弟已经决心去𠮶度趁下墟。但点知第二日起身都已经系晏昼，而且夜晚我有其他嘢做，不过都即刻爬起身，打算赶到一小时后班船都叫做冲入去影到先…………最后，究竟赶唔赶到班船呢？个答案就系 － 赶到班船就唔会有呢篇食评啦。
一兰初期开业嘅印象对我黎讲仲系记忆犹新，譬如系话排3，4个钟先有得食、凌晨仲要排好耐队等等。今次去一兰嘅想法都系即兴，见到长龙就即刻走𠮶种心态。但点知一去到………咦，呢条街咁冷清嘅？呢间真系一兰嚟？系咪闩咗门咋？呢几条问题一直喺我脑中盘旋，直至到有人喺入面埋完单出嚟先知原来有开门。原来喺过咗热潮过后嘅某平日晏昼，一兰系完全可以WALK IN有位拣的。
一兰只有一款豚骨拉面拣，但我认为呢样嘢有好有坏。坏嘅当然系无其他款俾人拣，但好嘅就系因为佢只系专注煮一款面，令到我哋客人可以有更细节嘅选项可以拣，亦系我欣赏喜欢嘅地方。今次「初嚟报到」，决定唔拣「重口味」先拣咗汤底浓郁，２倍辣，软硬度拣普通，有青葱，有叉烧，另外再加只溏心蛋($12)。一兰嘅布局唔洗我多讲吧，呢个自修室布局我个人觉得好新鲜，亦都做到一个静静地嘅私人空间食，完全啱我呢种成日一支公揾嘢食又怕同人夹枱你眼望我眼嘅人。呢度点餐前点餐后、嘢食嚟嘅之前之后，都有员工讲日文，系真系有一刹那令我感觉喺日本食。好，入番正题(前段好似讲得太多XD)，碗面好快就送上嚟。面入面就同下图一样，由于我十分喜爱食葱，见到有咁多我好开心，但得２块叉烧我就觉得有点儿少。先呷一口汤，呢个「浓郁」汤底对我嚟讲啱啱好，唔会话太咸／太淡，猪骨味真系好浓，而且面头嘅脂肪还可以接受。而且佢建议嘅２倍辣亦都十分好，既可以满足我无辣不欢嘅口味，亦唔会因为太辣而抢走咗汤底本身嘅味道。再食一口面，嗯，我觉得都唔错。
喺我等面嚟嘅期间，喺我眼水平线就俾我望到张关于一兰嘅「博多文化」。博多文化主要嘅意思系叫你加底。而我亦都「入乡随俗」，叫多一个面底($19)，今次面底我就写咗「超软」。(题外话，因为我系食完之后加单时候先写加面底，所以个汤底都摆咗少少时间，到个面底嚟嘅时候，个汤面头嘅脂肪竟然已经结咗层膜）另外我觉得净系加面会好「寡」，所以另外加多$20要多碟叉烧。当叉烧嚟𠮶阵吓咗一吓，廿蚊竟然系得３块薄薄嘅叉烧（我番去同啲同事屋企人讲个个都话我蠢……)…………今次嚟嘅超软面底绝对比叉烧收货，$19对比一兰其他食物嚟讲真系超值。
今次嚟的确令我大开眼界，小弟本时无话特别留意拉面边间好食。呢次都系因为呢间声名真系太大噪同埋我去唔到长洲先试，不过对我嚟讲真系有惊喜，亦令我开始留意有关拉面嘅食肆。是次嘅消费一共系（$89 + $12 + $19 + $20 + $29 =) $169。呢个价钱去食碗面好似有点贵，但唔系经常嚟食个人嚟讲觉得无所谓啦，最紧要有惊有喜有满足感啫。我亦都好满意呢度嘅服务，环境等等其他方面嘅细项，所以我评价俾佢「」系值得嘅。
题外话/补充资料：
小弟建议各位师兄师姐都有意嚟呢度「朝圣」食嘢而唔想排队的话，我谂除咗清晨之外，平日晏昼都系一个好好嘅选择。但当然个大前提系 － 你𠮶日平日唔洗番工 XD
(以上食记乃用户个人意见 , 并不代表OpenRice之观点。)
张贴
