三多炸肶 (已結業)

话说我老爸成日话三多扒餐同炸脾好食，但我一直都无去试，但今晚系做完运动嘅日子，决定鼓起勇气去食。 呢间野嘅装修完全沿用上手串烧舖，但呢个唔系重点，我觉得佢为咗悭返啲人手洗碗，用咗啲即弃碗碟，of course，呢啲都系无乜所谓嘅野。本来我系想试佢啲扒餐，但系我去食𠮶时，都已经成9点，无哂铁板食，顿时间我都唔知乜，唯有食佢只驰名炸脾。 落单时，佢问我：BB辣、小辣定劲辣，我谂咗一谂，其实都几surprise佢有得加辣，因为真系令我呢啲钟意食辣嘅人，突然口水直流。由于鸡髀即炸，所以我等到我老公碟饭都成咗一大半先嚟，但系我望住佢，觉得不枉我等咁耐，所有辣粉都系铺哂系面皮脆而唔系用普通炸粉，咬咗啖仲见到好多油同肉汁系里面，基本上，其实好快就已经KO 咗呢只炸脾，而我最嬲系，我老公食咗好多啖，我剩返几多食呢? 我系度谂如果下次再嚟，唔知可唔可以打定电话叫佢炸定，咁可能无等咁耐。