Joyful Dessert House (已結業)

今日食完饭同朋友系旺角行街，谂住买返对波鞋，不过波鞋就买唔到啦，唯有去食个甜品啦。其实都知左呢间米芝莲推介嘅甜品店好耐，不过未有机会试过，今日就试一试。紫薯心太软伴雪糕黎得呢度，都要试下招牌心太软，因为比较钟意食紫薯，所以都唔洗点拣，就食佢啦。甜品黎到，卖相非常靓，仲配上我钟意嘅士多啤梨雪糕，十分美好。心太软做得好好，外层非常香脆，但一切开，紫薯浆嘅味道即刻涌出黎，流到成碟系。紫薯味非常浓郁，果然不负米芝莲推介之名。非常出色的甜品店，希望可以一直保持呢个水准。