Espuma (H8) (已易手) 新餐厅

环境不错，如果台与台距离再远d就最好啦🤔🤔坐低点左壶蜜桃柚子Jasmine Tea（$38）同荔枝Jasmine Tea （$38），不错，有几块果肉浸住饮，唔会越饮越无味。头盘系香葱烟肉焗薯皮（$68）又估你唔到咁好味㖞！焗得好脆好干身，啖啖烟肉香味，好少觉得薯皮可以做得咁出色👍🏻Main叫左Pock knuckle（$228），系chef recommendation，都算外脆内软，不过边位有d over cook。既然第一次上黎，系要试下个西班牙海鲜炒饭嘅（$138），份量唔算多，有两只大虾、两只mussel、鱿鱼同西班牙肠，唔觉特别咸，喜欢佢嘅饭硬硬地，好有口感😋不足之处系食得个半钟，15分钟前会叫你order定dessert，非常准时叫你埋单，之后5分钟内会再remind你系时候走。好失败，我同友人都未饮得晒个果茶，因为实在太热啦。建议想坐耐小小嘅你就唔好考虑呢度啦，我已经系平日夜晚黎嘅。