大快活

营业中

休息中

呢几日天气冻冻哋，为食猪都专登拣啲食完暖粒粒嘅嘢食。听为食猪讲快餐店都有最残忍嘅饭--煲仔饭食，见咁方便又抵食就一试啦。腊肠豉椒鸡煲饭($45): 煲仔饭都几大个，𩠌就相对少，食到最尾有少少唔够𩠌。腊肠肥瘦适中，豉椒鸡都几滑但唔够入味。为食猪几钟意佢有香脆菜脯吊下味，仲有啲菜粒感觉健康啲。鸳鸯肉饼煲仔饭($45): 本来对呢款冇咁大期望，点知佢好仲味啲。牛肉饼几滑，同酒楼嘅牛肉球基本一样，猪肉饼最好味，有啲咬口，最正系有淡淡咸鱼嘅香味。估唔到快餐店嘅煲仔饭都唔错，甚至拍得住油麻地出咗名嘅煲仔饭店，虽然唔系用炭炉，但依然有大量饭焦。仲有，呢度胜在唔使排队仲好抵食。