大快活

营业中

休息中

呢日weekday lunch黎到揾食, 唔算好餓就諗住食湯麪見大快活有個雪菜肉絲米+雞脾幾吸引就叫咗好耐無食先知依家有得掃枱面qr code落餐, 但反而無得送餐過黎如果可以向M記學習下就方便好多雞脾好食的, 都算啖啖肉又幾滑幾入味但個雪菜肉絲米呢 簡直災難 成世人都未食過點解可以咁難食應該係個湯唔知點整出黎, 有啲酸酸哋, 但唔係你食雪菜會expect食到嘅味全靠有嗰兩條腸先食到多啲, 理解唔到點解咁簡單嘅雪菜肉絲米可以整到咁難食, never again

今日諗唔到食咩、喺附近返工、大快活食嘢。門口見到佢有兩餸飯嘅推廣banner，以為外賣先可以食，點知原來係堂食都有嘅。佢係非常之抵食，兩餸都係$38 ，再加一杯嘢飲。今次叫咗魚香茄子同埋肉碎芝士腸煎蛋飯，原本以為佢上嘅方式會係好似兩餸飯咁一格一格咁擺，點知原來佢係一碗一碗，一個餸就配返一碗飯喺底，個味道其實就都係平時食開嘅魚香茄子嘅味道，不過佢係細碗一啲，分開兩餸飯就變相可以食到兩款，其實都幾唔錯嘅，最緊要價錢非常之抵

呢度只係一個餐但分咗2餐食 好抵🙌🏻。每周驚喜早餐 $30多士 餐肉 烚蛋 熱飲芝士煙肉通粉(指定款)加+2 可轉其他粉面通粉幾好食個樣好似喺超市買個d獨立包裝 快熟芝士通心粉咁有d creamy 味夠 份量正常好食過 佢哋本身整開嘅雪菜肉絲 香辣肉醬米/通粉(可能第一次食 對我來講有新鮮感）餐肉 有兩塊 但係偏鹹浸左落啲通粉湯度 都係覺得鹹。皮蛋瘦肉粥 加配$9.5味夠 個粥綿 好食過附近嗰間x粥館可惜佢得一款粥最後打包咗個多士同粥(自備外賣杯) 做下午茶要留意 如果成set轉做外賣粥/湯粉個款 個碗少咗1/4

早2日 發現新大陸大快活 網上下單自取9折都好方便 多個付款方式俾你選擇有得比信用卡, Apply pay, Alipay, WeChatpay付款後 去到店鋪 等咗一陣就有好方便 仲要平咗拎餐臨走前 都望一望啲嘢有冇執齊最後都問佢攞咗兩嚿牛油佢哋啲醬料任拎🤫雪菜肉絲米粉湯同餸 夠味 但冇諗過辣辣地唔知點解 d米粉剪到碎晒唔係完整一束束咁仲有覺得比起堂食 細碗咗其他都冇問題多士 返到屋企 呈微暖狀態所以將去再烘熱佢再放凍冰冰嘅牛油上去😆腸仔 正常嘢。唔知可唔可以網上落單後之後同店員姐姐講堂食咁就唔使嘥晒 d紙杯紙碟環保之餘 又平咗

平時去大x樂/大快活都一定揀一個有紅豆冰嘅餐。見有個2人餐只係$49包兩杯紅豆冰連小食個個茶餐 好抵 但。。得我一個。只能揀返正常茶餐加上今日天氣突然轉凍見有d餐係配陳皮紅豆沙最後放棄紅豆冰 揀咗豉油王雞髀配陳皮紅豆沙 $34紅豆沙 要讚吓 佢地整得幾好食唔太甜 起沙 唔會水啲啲紅豆唔硬軟糯 粒粒分明 只係食唔到有陳皮味雞髀 正常啦 味夠唔柴口。沿途見到店員姐姐送餐大大杯紅豆冰 紅豆份量接近係杯嘅一半成日都分唔到大x樂/大快活我依家識分 邊間紅豆冰出色d

有次想起大快活、大家樂這些快餐店的燕麥，他好像叫做麥皮，通常都比較甜香，有點像吃粥，但又帶點甜香，感覺味道不錯，有天想起，上班前買個外賣。經常以為到快餐店買外賣要很多時間，但其實落單之後稍微等一會兒，不消七8分鐘便可以拿走。而且只有三四樣東西，炒蛋灓細團，雖然夠滑，但是非常之細團，吃得不是味兒，蘿蔔糕也只有一件，不是煎得太過透切，可能新年你到婆婆嫲嫲家，隨隨便便，也有四五大塊蘿蔔糕😒多到你吃不完，不用故意來快餐店吃早餐買蘿蔔糕；燕麥的份量就比較大碗，起碼都有一碗粥的份量那麼多，大快活的好像沒有大家樂的那麼甜。茶走味道都是普普通通，但比較可取的是，煉奶是一包外賣包裝，客人可以自行按喜好落多少煉奶。30多元一個早餐，說貴不貴，但是只是每樣都有少少的早餐，其實飽肚程度不會俾你買兩個麵包更加多。

焗豬扒飯 , 付款後好快送到. 放入口是涼的, 飯粒因為放得耐已經有點濕.豬扒肉質鬆軟得過份 , 是軟綿綿那一種口感 , 已經沒有肉味.有職員經過告知, 佢話幫我焗過 , 一係叮過.有冇攪錯 , 焗完的飯 -> 凍左 -> 再叮,  出嚟都唔知係乜.算數, 肚餓 , 草草食完.  當然旁邊小碟配菜也是凍的.以後一定唔會再嚟 

原本一心諗住幫襯吉邊 點知去到間吉野家壞左冷氣 加埋啲人係入面食火鍋 熱到焗桑拿咁因為真係好想食火鍋 所以就去隔離間大快活試下唔怕唔識貨 最怕貨比貨雖然大快活貴10蚊 但湯底竟然有真心好飲既花膠雞湯 裡面真係有花膠有雞 4安士肥牛件件都睇得出係新鮮既 唔係個啲已經有啲啡紅既牛肉菜又俾得多 感覺有成棵芹菜係到 仲有金針菇同娃娃菜 最正既係 服務態度好過吉xx好多 個鍋有人送黎 個火又即刻跟餐送黎 唔使左等又等 而且啲醬料無左就即刻refill 唔使等總結 呢10蚊係抵俾既!!!!!

😏最近冇咩錢，唯有食下午茶當晚餐。唔好以為下午茶一定係細細分，唔夠飽撐唔到成晚🤔。 這份下午茶夠曬飽。吃完就不用再吃晚餐。 原本想叫幼麵點知變咗雪菜肉絲米，不過都ok la ,當減肥。 碗雪菜肉絲米真係好清淡。多士冇咩特別，條腸有啲黑咗。 多士醬分開上🙆‍♀️ 我不太喜歡花生醬，所以只係加咗啲啲。 😣不過D味真係麻麻地，如果你係打算减肥就去試下la,不過記唔好加醬，醬嘅卡路里好高…………不過真係好平只係24蚊。😌

大年初一晚，都要食快餐。快餐店基本上間間都有開，大快活比較方便，因為可以坐低等野食送黎。呢一點係其他快餐店暫時仍比不上。餐牌上雖然款式唔少，但其實款款都40 蚊以上，最後決定點左個扣肉飯。呢個飯份量好正常，食完唔係飽但又唔餓。個扣肉飯名義上係扣肉，實際有一半係茄子，茄子幾淋，但個汁比較咸，可能係因為有梅菜既關係。梅菜份量其實好少，而且味道落哂d汁度，佢既味道就變得好淡。最後扣肉就幾軟，口感唔錯，味道就普通，唔係突出。整體而言，就係好正常既快餐，不過就覺得貴左少少。

到大快活食鲜茄洋蔥立鱼飯，店員好有禮，不用自己到水吧位取食物，店員會送到客人的座位，舒服地享受食物。鲜茄洋蔥並加入薯仔，番茄汁酸甜度適中，令人很開胃，唯獨立鱼煎得不够香脆，肉質帶點韌，不够鱼味，以快餐店水平己算不錯。

呢幾日天氣凍凍哋，為食豬都專登揀啲食完暖粒粒嘅嘢食。聽為食豬講快餐店都有最殘忍嘅飯--煲仔飯食，見咁方便又抵食就一試啦。臘腸豉椒雞煲飯($45): 煲仔飯都幾大個，餸就相對少，食到最尾有少少唔夠餸。臘腸肥瘦適中，豉椒雞都幾滑但唔夠入味。為食豬幾鍾意佢有香脆菜脯吊下味，仲有啲菜粒感覺健康啲。鴛鴦肉餅煲仔飯($45): 本來對呢款冇咁大期望，點知佢好仲味啲。牛肉餅幾滑，同酒樓嘅牛肉球基本一樣，豬肉餅最好味，有啲咬口，最正係有淡淡咸魚嘅香味。估唔到快餐店嘅煲仔飯都唔錯，甚至拍得住油麻地出咗名嘅煲仔飯店，雖然唔係用炭爐，但依然有大量飯焦。仲有，呢度勝在唔使排隊仲好抵食。

下午去咗大快活食下午茶，但係都未算十分多人，等位大概等左5分鐘。叫左一個雞髀碗仔翅＄28，另外再加多7.5要一碗上湯湯米。隻雞比並唔係炸雞髀，係燒味做法的雞髀，冇咩雞味，不是特別喊或特別甜，簡單來講係冇咩味，而皮都唔係脆嘅。上湯米係雪菜肉絲米，反而唔錯，而且如果係食一個下午茶餐唔夠飽嘅話，呢7.5絕對值得，因為絕對夠飽。碗仔翅熱都係足夠嘅，但食唔到嗰啲咩特別嘅材料，而且材料並不豐富，都係用一啲粉漿開出來嘅湯羹，其實冇咩特別嘢食嘅。相比起平時嗰啲小食店嘅碗仔翅的確係失色唔少。

今日忙完成日, 求其去附近大快活食晚飯, 其實好耐無食過, 印象中仍然會覺得只係間普通快餐店, 所以本身都無啥期望, 但今晚一試, 嘩, 水準似乎比(好多年)以前真係高左好多 首先叫左一個咖哩吉豬飯, 因為太肚餓所以先揀吉豬, 充滿驚喜~~首先咖哩汁同其他兩間連鎖快餐店的「咖哩水」好唔同, 香辛料氣味芳香濃郁, 就咁聞都已令人食指大動 (唔排除可能因為小弟當時真係好肚餓), 然後塊吉豬真係炸得好脆, 食落真係唔會以為係一間普通連鎖快餐店的出品 同行友人叫的鐵板餐更豐富, 值得一試

前日(28-3-2016 Mon)復活節星期一,2:00pm同老公去買餸,我o地o係屋企食完(早)餐冇耐,但佢都係要食o野.=.=”咁食tea啦,大家樂好冇?但多人,我話咁大快活啦.老公問我係bad list o左佢咩?我話佢成日都話OK,不如我俾機會佢啦.於是行o黎呢間,我決定要$29.00紅豆冰蜜汁燒雞髀餐,老公要$29.00o既迷你泰式,酸辣湯孖寶米綠(肉丸+扎肉),改蒜香豬肉湯底,飲熱檸水.都好耐,佢至拎到o黎,我o既蜜汁燒雞髀唔大件,紅豆冰7成係奶,3成係紅豆,飲吓先,味道比較淡,紅豆冇起沙但好夠腍,攪勻o黎飲就微甜,感覺好返少少.味道: 2.9分而蜜汁燒雞髀呢,竟然唔錯,甜甜地o既外皮煎脆,雞肉汁多肉嫩,令我有啲改觀.味道: 5分食o左一半同老公交換,佢o既迷你蒜香豬肉湯孖寶米綠除o左肉丸同扎肉外,都有芽菜仔,食落蒜香味淡淡的.肉丸扎肉都切成半件,扎肉味道有少少怪,米綠口感正常冇問題.味道: 3分抵食:份量都係迷你級,但都要$29.00,有啲貴.