影片
更多
2021-02-01
3964 浏览
一讲开「南记」，啲人就想起食米线嘅「南记」，不过，今次帮衬嘅「南记」却喺家冰室，即喺茶记，其实美孚都有一间，但都已经执咗。同老婆晌屋企食咗个丰富早餐，所以，跳咗餐晏仔，而出外有啲家品想睇睇，路经葵兴一带，就帮衬咗「南记」食个下午茶。由于餐厅位处工厂区内，虽然，隔条大马路都有屋村，但𠮶边都有唔少食肆，所以，晌星期六工厂区就变得非常之静，连带帮衬嘅人都少，尤其下午茶添。而餐厅嘅防疫都OK，加上人少，啲客拣位都识自我加阔社交距离。 调味料、餐具都放晒晌枱边，自由取用，而餐具都有胶盒冚住，自不然比唔冚嘅好，当然，安全起见，就梗喺叫阿姐俾多杯热水嚟消毒一下啲餐具啦。 下午茶餐有啲咩拣，其实，全日都喺呢个假日精选餐牌，只喺下午茶时段会收平啲。不过，老实讲，因为都喺啲炒粉饭面，无一啲轻食类，所以，唔会有啲廿零蚊嘅茶餐，大部份都喺四十几，仲喺无包嘢饮添，所以，比起一般嘅茶记定价贵。 蒜香鸡扒汤河 $40汤河及鸡扒嘅粉量好足，而河粉好滑溜，鸡扒煎得香口，又劲有蒜香，汤头亦无话「淡茂茂」，当然，惊喜就无，质素属平稳咁啦。 星洲炒米 $47至于个星米睇落炒得有镬气，又几靓仔，有别一啲下午茶餐会份量少咗，呢碟
由于餐厅位处工厂区内，虽然，隔条大马路都有屋村，但𠮶边都有唔少食肆，所以，晌星期六工厂区就变得非常之静，连带帮衬嘅人都少，尤其下午茶添。而餐厅嘅防疫都OK，加上人少，啲客拣位都识自我加阔社交距离。
调味料、餐具都放晒晌枱边，自由取用，而餐具都有胶盒冚住，自不然比唔冚嘅好，当然，安全起见，就梗喺叫阿姐俾多杯热水嚟消毒一下啲餐具啦。
下午茶餐有啲咩拣，其实，全日都喺呢个假日精选餐牌，只喺下午茶时段会收平啲。不过，老实讲，因为都喺啲炒粉饭面，无一啲轻食类，所以，唔会有啲廿零蚊嘅茶餐，大部份都喺四十几，仲喺无包嘢饮添，所以，比起一般嘅茶记定价贵。
蒜香鸡扒汤河 $40汤河及鸡扒嘅粉量好足，而河粉好滑溜，鸡扒煎得香口，又劲有蒜香，汤头亦无话「淡茂茂」，当然，惊喜就无，质素属平稳咁啦。
星洲炒米 $47至于个星米睇落炒得有镬气，又几靓仔，有别一啲下午茶餐会份量少咗，呢碟都属正量份量。食落，又果然好惹味，有咖喱嘅香气，亦落得好够料，但同样有常见问题，喺油咗啲。
热奶茶、热柠水 @+$3唔知有无发觉，杯柠水用铁匙，我杯奶茶就用胶羹，用埋铁匙环保啲就好。讲番杯奶茶，茶色感觉有少少淡，茶底算唔上话好浓好浓郁，但饮落都OK。
我记得之前晌美孚店食过都喺俾个OK佢，今次呢？都只喺俾到个OK咁，因为，整体而言，都喺不过不失。
张贴
