芳華絕代 (已結業)

呢间餐厅一直想试好耐，餐厅已霓虹灯为招徕，网上好多人都嚟打卡，今次庆祝朋友生日，泰国菜mood嘅我哋叫咗生虾刺身、泰式串烧拼盘、飞天通菜、泰式海鲜炒金边粉。生虾刺身一碟六只，水准正正常常，但价钱唔算话太抵食；泰式串烧拼盘点左牛鸡猪各两串，肉质几滑，值得一赞系个沙嗲酱汁几好食；飞天通菜调味啱啱好；泰式海鲜炒金边粉炒得算干身，份量都够2-3人分享。饮品方面，点咗黑牛同泰式奶茶，两杯都叫咗少甜，味道唔错，饮品比菜式出色。水准不过不失，唔算特别正宗同惹味，价钱亦唔系特别抵食，黎呢到打下卡或者饮嘢倾计会更合适。