NeNe Chicken (新都會廣場) (已結業)

之前系首尔食过隐蔽炸鸡，念念不忘，于是去试香港嘅韩式炸鸡店。要食梗系食双味炸鸡，点左白郡主同初雪，明太子蛋卷同芝士炒年糕伴拉面。蛋卷好快到，话虽迷你但系都好大件，切开蛋卷入面有蛋液流出黎，入面有啲青红椒，味道唔系特别出众。炒年糕除左平时见到嘅白色年糕，仲有黄色同紫色，我最初见到紫色以为系紫薯，配有一整粒鸡蛋，韩式鱼片，拉面都几弹牙，酱汁几好味食到微微辣，对我黎讲系碎料，周一腹妈妈平时滴辣不沾都话ok食到。白郡主即系酸忌廉汁，食个阵酸忌廉味唔会好重，初雪意思系芝士粉，芝士粉唔系好多，鸡件唔大，但系唔系一口鸡，唔会食得好轮尽，外皮都脆，肉汁无韩国食到嘅隐世炸鸡咁多，肉质都幼嫩。后记：用餐个阵间唔时就闻到一种酸缩味（under arm嘅气味似的），我以为系餐厅比较焗令到啲员工出晒汗以引至，不过当我留意到无员工行过都有种酸缩味飘过个阵，我怀疑酸缩味嘅野系向我附近，鼻敏感嘅我认真一索，果然就系向我附近嘅白郡主炸鸡传出黎嘅酸忌廉味，之后有啲内疚感，因为心里面屈左啲员工。