祥勝茶餐廳 (已結業)

好耐冇去跑马地食早餐，咁啱今日嚟左，就去呢间试下佢嘅早餐。 今次坐咗喺上层，可能系星期日嘅关系所以比较繁忙，坐低嘅时候枱上面嘅餐具都未收拾好。不过好快就有人嚟收拾同埋帮我地点餐。我嗌咗个B餐($35): 火腿煎蛋通粉同热鸳鸯，𠮶份量都勉强足够一个人食。 惊唔够食嘅我亦再嗌咗个油占多($13)。佢杯热鸳鸯嘅咖啡比例好似比较重，所以饮落去会感觉系似咖啡多啲。但系味道都非常香浓。 而油占多亦都做得唔错，果酱嘅份量算多，都算系几足料嘅，不过价钱就有少少贵。