民聲冰室

营业中

休息中

星期二晚约咗人食饭，由铜锣湾行去天后，难得有机会于是入咗大坑，朋友钟意食中菜，行啱就拣咗民声冰室。晚巿系拣小菜配白饭靓仔一碗。朋友拣咸蛋蒸肉饼，我就拣了客家口水鸡。上菜时间都唔算长，大约10-15分钟。咸蛋蒸肉饼嘅卖相好有霸气，整到成个金字塔咁，塔顶系咸蛋黄，肉饼配饭整体味道唔错，不过我个人钟意质感实啲嘅肉饼，民声嘅肉饼口感比较散。而口水鸡就味道唔算好突出，但啲鸡肉都够滑，钟意食冷盘嘅朋友可以拣呢个。餐厅系地道啲，所以座位比较窄。另外分量好大，基本上一人餐嘅𩠌系两个人食都得，算系好抵食。