影片
更多
2021-05-05
706 浏览
因为有现金卷，咁岩谂唔到晚餐食咩，所以决定去食。可能北角区嘅人比较早食饭，加上防疫政策，晚上未到8点餐厅内唔算多食客。晚餐set dinner 有11款，选择唔算多，但竟然有beyond burger。不过咁岩唔系咁想食burger，都系拣返意粉😂套餐可选餐汤或者沙律，同一杯饮品，当中有个叫有机红树茶，因好奇咩味叫左。餐汤系罗宋汤，中规中矩，汤水多有点稀，但入面有唔少汤料Alfafa 超级沙律：入面应该主要系羽衣甘蓝，加咗苹果，配搭沙律酱都清新。焗肉酱千层面配薯蓉 $88：估唔到竟然用铁镬上，薯蓉经烤焗后，表面好脆，不过好似冇点调味。可能因为用大火焗，千层面既四边都好㶶，都3-4层千层面，中间夹住蕃茄肉酱酸酸地唔会腻。拿玻里烤大虾有机鲜蘑菇焗饭 $98：拿玻里其实系意大利式蕃茄酱，用橄榄油爆香蒜茸加去皮番茄同其他香料混合而成。但，首先呢个酱食唔到咩香料，得个酸字，似大x乐蕃茄猪扒饭...饭就焗得够干身，但成碟似港式茶餐厅嘅焗饭而多过似西餐。至于有机红树茶，嗅落好香，唔系清新反而系舒服，似英式红茶feel，但饮落冇特别，最多系茶味浓厚啲。总结：餐厅2人枱其实有少少逼，虽然有啲职员几热情，
可能北角区嘅人比较早食饭，加上防疫政策，晚上未到8点餐厅内唔算多食客。
晚餐set dinner 有11款，选择唔算多，但竟然有beyond burger。不过咁岩唔系咁想食burger，都系拣返意粉😂
套餐可选餐汤或者沙律，同一杯饮品，当中有个叫有机红树茶，因好奇咩味叫左。
餐汤系罗宋汤，中规中矩，汤水多有点稀，但入面有唔少汤料
Alfafa 超级沙律：入面应该主要系羽衣甘蓝，加咗苹果，配搭沙律酱都清新。
焗肉酱千层面配薯蓉 $88：
估唔到竟然用铁镬上，薯蓉经烤焗后，表面好脆，不过好似冇点调味。
可能因为用大火焗，千层面既四边都好㶶，都3-4层千层面，中间夹住蕃茄肉酱酸酸地唔会腻。
拿玻里烤大虾有机鲜蘑菇焗饭 $98：
拿玻里其实系意大利式蕃茄酱，用橄榄油爆香蒜茸加去皮番茄同其他香料混合而成。
但，首先呢个酱食唔到咩香料，得个酸字，似大x乐蕃茄猪扒饭...
饭就焗得够干身，但成碟似港式茶餐厅嘅焗饭而多过似西餐。
至于有机红树茶，嗅落好香，唔系清新反而系舒服，似英式红茶feel，但饮落冇特别，最多系茶味浓厚啲。
总结：餐厅2人枱其实有少少逼，虽然有啲职员几热情，但食物质素普通，冇coupon 唔会考虑到佢。
张贴
