新陶園海鮮酒家

营业中

休息中

今日去完拜山，就去左流浮山食海鲜。我地就拣左濑尿虾、鲍鱼、奄仔蟹和苏鼠斑呢几样海鲜。另外再叫左两样小菜 - 生炒排骨和蒜蓉炒菜心。野食方面就一般般啦，不过员工服务态度就好好，好有礼貌对待客人。当客人碟上都放满了蟹壳、虾壳，员工会主动替客人换碟，而且环境方面都较干净，令人都有舒适既感觉。椒盐濑尿虾就十分弹牙，椒盐味道刚刚合到好处，而且唔会过咸，亦唔会太辣。盐焗奄仔蟹方面盐焗味道够甘香，蟹肉够新鲜又鲜甜。果皮蒸鲍鱼就一般般啦，唔够软腍，而且味道唔够浓郁。清蒸苏鼠斑就不过不失，可能鱼比较大，有一斤以上，肉质就唔够嫩滑，不过由于苏鼠斑系深海鱼，所以鱼味都比较浓郁。生炒排骨方面，糖醋过酸，而且排骨又大又肥腻，唔太适合怕酸既人食。蒜蓉炒菜心方面，菜心就比较老，对于老人家就比较难咀嚼。