名代宇奈備長炭燒鰻魚飯專門店 (iSQUARE國際廣場) (已結業)

友人话好耐冇食鳗鱼饭喇，乘今日落尖沙咀，就顺便喺iSquare度食餐久违的鳗鱼饭。虽然系礼拜六，但系餐厅的人并唔多。呢间餐厅系数码落单的，因为系嚟食鳗鱼饭嘅，所以就点咗两个鳗鱼重，另外要咗一串鳗鱼肝串同埋一个鳗鱼海老天妇罗重，两个人食嘅晏昼餐就差唔多啦！坦白讲，佢哋啲鳗鱼饭并唔系十分出色，叫做比上不足，比下有余，过吓瘾喇！𠮶个天妇罗真喺炸得麻麻哋，一来唔脆口，二来油渍甚多，俾人一个肥腻的感觉。𠮶串鳗鱼肝唔系我杯茶，我嫌佢太腥，但系友人就觉得还不错。呢间日本过江龙餐厅听闻在日本甚出名，唔知系咪嚟到香港就变咗样，佢嘅鳗鱼饭顶多叫做还可以，香港可以揾到比他更加好食的鳗鱼饭。