亞坤 (已結業)

亚坤初初开铺时排晒长龙，当热潮过后，食饭时间都唔使等位，终于可以一试。 呢度需要自己排队落单，拎左个order 牌后就会有人拎食物过黎。 先来野饮，kopi-o. 热咖啡加糖。之前喺槟城饮既太甜喇，所以嗌左少糖。果然甜度啱啱好，咖啡亦香浓，不错。之后送上跟餐既糖心蛋。蛋是冻的，但蛋黄味香浓，加上几滴酱油，好味。第一个主食系沙甸鱼三文治。纯粹觉得特别，可惜沙甸鱼好咸，加上面包烘唔够，只可以话系水准以下。第二个主食系咖椰花生酱吐司。面包够薄身而且好脆，可惜花生酱味太抢，盖过晒咖椰，如果可以减少花生酱同加多啲咖椰，一定会更加好味。最后系咖椰球，送黎时都仲热，好香鸡蛋味，可惜里面既咖椰唔够多，食唔出咖椰味，感觉冇咩特别。来之前知道有唔少负评系野食迟黎，但是日大概等左10-15分钟所有野食已经到齐，同时间亦见隔离枱追左几次单，所以真系好似买大细咁，睇你好唔好彩喇。