醋娘子 (已結業)

见到有好多人赞呢间舖头，当然想试一试啦。首先系个花雕醉鸡卖相唔错，啲肉亦都好靓，但卖相同实体成日都系有啲失落感，咬落去嘅肉质还可以，都算系有小小滑，但系肉反而唔太入味，需要额外用匙羹去淋啲酒上去先有一啲味道。第二度嚟嘅系小笼包 个皮算系普通，里面嘅肉咬落去，汁同肉质都算系普通，其实除咗讲普通知外，我都唔知有啲咩其他嘢可以讲 第三度嚟嘅就系个流心猪扒 一切开嘅时候，我其实都有少少兴奋，因为个流心真系爆晒出嚟，但系一样，食落去同卖相都系有小小差别，块猪扒好似完全无腌过咁，感觉比较乏味，其实炸咗嘅嘢，应该乜鬼嘢都好食架？但呢个炸完之后嘅味道真系争咗小小......最后就系个担担面一嚟到嘅时候我望到佢已经觉得有小小中伏嘅感觉，个汤底完全唔担担面。食落去，个汤底竟然有啲花生味，不过以我系一个超食得辣嘅人都觉得个汤底过辣。最后，无论系汤底，面，咩都好，都系普通嘅味道，无咩特别咁出色嘅地方。食后感：全部嘢都系普普通通，喺呢一区嘅价钱嚟讲其实算系ok，不过不失啦。