松記糖水店 (已結業)

同朋友仔同佢个仔系铜锣湾区食完晚饭，横掂时间尚早，大家话不如揾个地方再倾过，谂咗一阵子，最后去咗「松记糖水」。话晒食糖水，大家见到个MENU就好自然地好开心咁拣下食乜，左拣右拣，心大心细，样样都想食。我朋友个仔一坐下即刻话要食朱古力雪糕，结果朋友个仔叫咗「Summer」即系朱古力加芒果雪糕球加生菓加2条百加支。我见碗甜品都有好多好大件生菓，$34蚊算OK。而我朋友叫咗碗热嘅「海底椰紫米露」，佢都话唔太甜，OK好味。而我梗系叫咗我超LIKE嘅「心太软加芒果雪糕」，其实雪糕系有我得拣味道，有芒果，曲奇，草莓，朱古力同云呢拿，5种口味。不过我觉得我个件心太软个SIZE细咗啲，而味道方面，都系不是太甜。总括来说，个日埋单都系＄103，唔洗加一，价钱都都合唔，当然系铜锣湾来说。