醉上海 (已結業)

中午又开餐，真系好鬼难谂食咩，咁唯有又游走一番，平时行过都无乜为以，所以见到就试吓喇！呢度都几多小菜可供选择，叫咗两份抵食啲嘅午市套餐薰鱼同担担面系套餐，仲有杯豆浆送，不过个人口味觉得豆浆甜咗少少，薰鱼色泽都吸引嘅但啲肉太实，虽然好入味，但薰腌得有啲过甜，食多几啖已经漏了担担面，面质爽滑，汤头唔系稠，比较薄身，花生味都够香嘅，佢有啲特别嘅，个汤好似放咗镇江醋咁，入口酸酸地，唔会觉饱滞。呢个酸辣汤非常多料，每口都食到满满嘅配料，口感丰富，汤底有香浓醋味。小笼包都几抵食，馅料够多，汤汁都多，皮算薄身，30蚊4只大大只