茶米 (太古廣場) (已結業)

农历新年，唔洗拜年时同家人外出食饭，来到这间台湾餐厅 茶·米。由于有Kiki面，以为是明星舒琪有份既，但上网睇又话只系合作。唔知之后会唔会因为咁冇左部分菜式呢？啲位唔会太迫，坐得都算舒服。同屋企人各自点左啲想食既野。西班牙辣肠排骨釜饭，冇咩辣味，但几好食既，而且虽然系日式釜饭，但感觉有啲似煲仔饭😂仲有饭焦添！Kiki棒棒鸡，系几辣，不过唔食得辣既我都觉得好好味，辣都会想再食😆😋有少少麻辣味道既感觉，呢个应该就系用左kiki面𠮶只椒辣调味粉整既～川味担担面，可以拣唔辣，我地叫左小辣，同平时食开既担担面差不多，都几重花生香味！喜爱～～红油抄手，感觉佢系红油抄手之中算冇咁油，而且有𠮶种味道（可能只系我冇'笔'到🤣）西兰花炒带子，不过不失，带子都几lum！松露杂菌捞肠粉，唔知系屋企人已经食哂定点，我觉得冇乜松露味🤣🤣🤣鳗鱼釜饭，唔太重平时鳗鱼饭既照烧汁味，而呢个饭将鳗鱼切件，对我地share食系几方便。桂花糕，本来好想叫伯爵戚风蛋糕配黑糖珍珠，点知卖哂😩叫左呢个桂花糕，同一般食到既桂花糕味道好唔同，冇咩甜味，反而有好真实既茶甘味道，钟唔钟意就睇大家个人口味，我接受到既，但觉得甜品都系有啲甜味开