南記飯店 (已結業)

妈妈生日，由于疫情关系，原定想食嘅酒楼要求接种疫苗嘅人数有限制，所以要转移阵地。好彩家人食开南记，打个电话就订到位。而且仲订到阁楼，一家人霸哂成个阁楼呢！屋企人一早就订埋个十二人餐，另外嚟到先再加多几个𩠌，整体令人最回味嘅系只鸡，够入味之余肉质又够哂滑。而最接受唔到嘅系𠮶碟苦瓜，基本上每人食咗一啖就放咗喺度，就算我平时超钟意食苦瓜都唔系好接受到酸梅+苦瓜嘅味道。蚝饼都唔错，蚝嘅份量都算多，而且仲几香脆，其实嘅嘢食就好一般，如果超钟意食鸡嘅人可以嚟试，否则自己谂吓值唔值呢个价。