和氣食堂 (黃大仙中心南館)

营业中

休息中

今日系黄大仙中心买完野揾野食填肚，见到呢间和气食堂门面都几有日式居酒屋既味道，menu又几多选择，于是决定试吓。攞完筹等咗一阵就可以入座喇，店内环境简洁干净，座位都坐得舒服。睇完menu纠结后我叫咗个辛味小柱贝三文鱼粒粒丼，刺身唔算特别新鲜，正正常常咁，饭就比较失色，无乜醋味，好似普通饭咁要加啲酱油先叫有返啲味。朋友叫既温泉玉子豚肉生姜烧丼，豚肉份量都算多，不过朋友话味道较淡。反而另一位朋友叫既黑豚腩烧丼就唔错，我试咗一片豚腩，肉质都几嫩滑同够入味。整体来讲，今晚试既食物就普普通通，不过不失咁，不过都差唔多成旧水一个饭，值得有更佳质素。