三不館車仔麵 (萬利商業大廈)

营业中

休息中

一入到店，总觉得店舖装修被而家嘅趋势影响有啲陈腔滥调，为咗可以比客打咭，要做好多装置出黎，装修主题系怀旧香港，不过巿场上实在有太多类似模式，就算有心打咭，都未必系独有，始终餐厅黎讲都系食品质素行先，咁餐饮生意先可以持续发展。三𩠌点咗鱼片头，牛丸同咖喱鱿鱼，面底系油面。鱼片头及牛丸都系叫货嘢，所以无咩特别，咖喱鱿鱼颇入味，油面食落都好新鲜 (基本上油面、粗幼面等等多数都系新鲜货，因为唔存得耐)，至于汤底，因为之后要见客，所以唔够叫啲太辣，或者味太浓嘅味道，所以亦不过不失。奶茶叫少甜，奶味茶味都算香滑。总结而言，系好正常嘅车仔面味道。不过公平啲讲，我系食个快饭，唔系入去专挑特色嘢黎试食，所以觉得佢普通都唔出奇，如果有心要试味，可能要试猪手、卤水或者鲜茄汤底先。