鳳鳴居

营业中

休息中

是日嚟到上水大名鼎鼎嘅凤鸣居揾食，佢果醉鸡实在好出名，因为食平日午餐，一行四人唔洗等好耐就入得。睇完餐牌，谂都唔谂即点左醉香鸡米线，小食拣咗黄金鱼皮同辣豉油爽脆鹅肠。先讲小食辣豉油爽脆鹅肠，啲鹅肠白烚，唔会烚过笼，够爽脆，但因为鹅肠本身冇咩味，果辣豉油唔多够味，搞到有啲鹅肠食落冇咩味。果黄金鱼皮够哂邪恶惹味，件件鱼皮都够哂脆同香口，啲黄金挂哂每个位，块块都有，好好味。去到主角醉香鸡汤面，我拣左米线，一嚟即试啖汤先，有啲失望冇谂嘅浓同埋酒味浓多少少会再正啲。啲鸡件朋友有提过因为会同啲汤一齐煲，所以食落会鞋口啲，果然真系鞋口啲，唔够滑。其实唔系好差，但可能期望高左，所以食落冇预期好，先会失望左。