Mini Friday (銀城廣場) (已結業)

近排想食威灵顿牛柳，朋友又就黎生日，咁就揾下有咩好餐厅选择，揾揾下就揾到呢间，地点喺旺角可以openrice订枱，订枱仲可以有个生日蛋糕优惠，有得食又可以庆祝生日去到银城都几易揾，呢间餐厅隔离原来有间日本野，希望下次有机会试下。餐厅环境几好，安排左卡位畀我同朋友，坐底睇完Menu惊叫威灵顿牛柳会食唔哂，所以决定叫2个set dinner就刚刚好Set dinner有餐汤、沙律、主菜同饮品，亦有餐包供应，餐汤沙律餐包都系一般餐厅嘅正常水准，而2个set dinner分别系：大虾配香草牛柳炭烤安格斯肉眼2样都叫左5成熟，食物黎到枱面时唔系好热，只可以话系暖，味道方面，香草牛柳比较好食，肉质非常美味，入口有溶化嘅感觉，系好食嘅而安格斯肉眼就有好大条根，肉质较韧同埋有啲干，对比下就无香草牛柳咁好食。一路食紧𠮶阵开始人多，由入座时得几枱客变成全场满座，就变到有啲嘈，有好多人嘅倾计讲嘢声，如果追求安静环境嘅呢度未必啱。食哂主餐后就叫餐厅上埋个蛋糕，系梳乎喱小蛋糕，虽然唔系好大个，但有得影下相庆祝下都几开心另外餐厅同层嘅男洗手间及女洗手间都有啲污糟，如无必要尽量可以唔去。