新齋橋 (已結業)

同事话新电讯大厦𠮶间日本嘢几抵食，今晚收工就过去试下，间舖好大，有一边好似系食烧肉，中间有吧台类似食紧omakase，我哋食定食就坐另一边，但间舖抽风麻麻，我哋坐𠮶边都闻到烧肉油烟味。同同事每人叫咗一个餐，我叫咗个炸猪扒定食，佢叫咗个六格便当，我𠮶份炸猪扒ok唔错，块猪扒新鲜炸起热辣辣咬落去外脆内软，虽然都知道系急冻猪扒，但肉质唔会又韧又鞋。但同事𠮶个便当就好一般，食完都唔系好知食咗乜嘢，下次都系叫返正常定食便当就算。