豚王 (已結業)

早几排天气突变，未到新年冻到好似雪柜咁得7定8度，晏昼当然想食d热野暖暖个人，就走左去豚王豚王都算得系第一间过江龙杀黎香港，想当日兰桂芳附近分店除左长期排队仲系卖哂就冇，明星个个涌去食。到今日随便揾个旺区都三四间过江龙或者标榜汤底煲左几耐，又兴起沾面...哗讲讲下都有d唏嘘下昼四点几左右去到，一入去除左煮面位有两个厨房，其实冇人理我同朋友，咁自己揾位坐啦..餐牌仍然系果四个选择，今次拣左个赤王，朋友要左黑王。赤王认真一般，辣味靠日本d辣油同面头d辣粉，直接d讲，我食唔到任何豚骨香同辣香，系好在仲够热。想喺枱面加辣芽菜，点知侍应姐姐话冇...sosad朋友个黑王就还好，香浓带甜味，但可能近几年太多高质拉面舖，今次食完豚王真系觉得佢不进则退服务又麻麻，冇日本料理尤其拉面店比人温暖、热情嘅感觉，所以冇下次喇。