三田製麵所 (金朝陽中心二期 - Midtown)

营业中

休息中

啱啱行完阵时代广场，咁我就行过小小去登龙街睇下有咩食。睇到拉面唔洗点排队就直接入去呢间三田制面所食啦，天气冻冻地就叫左碗辛辣三田特制拉面食，我咩都无加直接叫咗碗大拉面就算。唔知系咪过左人气，真系无乜人排队系有原因。首先面质一般食落好糊，辛辣拉面佢用嘅系细面，算挂到汤汁，但汤底唔够辣唔够浓，可能要加辣，又唔够清，啖饮落都几浊下。叉烧肉质无乜惊喜，似普通煲汤嘅猪𦟌咁，食落唔香唔入味，唯一可取系食落软冧冧。上菜速度系奇快，唔洗10分钟即刻有得食，可能就系太快，个质素就下降咗，比起刚开店果阵，呢家未免名过于实。埋单$108，唔平唔贵就算啦，无期望无失望。