西佑定食屋 (已結業)

六点几钟行过呢间餐厅，见呢间有位就入去啦。今日呢就系庆祝爸爸生日，其实爸爸行动不便，都去唔到远。所以就求其喺楼下见到有位嘅餐厅就入去啰。店员都相当之有礼貌。随意点左鱼生呀、清酒煮蚬啊、一个蛋牛肉嘅定食，同埋好多其他嘅小食啦。老实讲食物水准就一般般啦。咁又唔可以话系难食，普普通通咁啦。鱼生嘅新鲜程度，我估同你去Marketplace supermarket 买嘅都差唔多啰。咁多様我就会推介清酒煮蚬啦。始终非常足料，好多蚬肉，汤都算几入味。而且仲有个小火锅可以兴住食。咁都算唔错啦。𠮶日四个大人晚饭。埋单都系四百几蚊，仲食到咁饱。而且都算坐得舒服，倾计都开心，亦冇人收晒你啲嘢赶你走。我觉得都收货啰。