Season Desserts•Drink•Gelato (已結業)

假日嚟到赤柱都系志在闲逛下同埋食吓好嘢咁，咁岩经过呢一间卖雪糕同鸡蛋仔嘅铺头堆满晒人，行过去发现个卖相有几吸引，就忍唔住手买咗一个黎试吓啦。我叫左一个朱古力星星鸡蛋仔，其实叫呢一个都系贪佢个样几得意咁，不过出到嚟就发现唔系粒粒鸡蛋仔个星形都出到黎，有少少失望。不过好彩啲星星都仲系脆嘅，整体嘅味道都唔错，不过就冇想像中咁惊艳，不过不失啦。至于个价钱方面，普通单一味道嘅鸡蛋仔就系＄28 ,但系星星鸡蛋仔就要＄38 ,加啲星星就贵左＄10 ,坦白来讲我觉得唔系好值呢一个价钱。不过去赤柱呢一啲旅游地方我都预咗佢嘅售价会比出面贵啲，值唔值就见仁见智啦！