Season Desserts•Drink•Gelato (已結業)

黎到赤柱未行入巿集就被這間在巴士站付近的雪糕雞蛋仔小店吸引眼球配上gelato的雞蛋仔價錢有點貴，所以今次就冇叫埋雪糕食啦😆淨係講雞蛋仔的款式，對比而家出面好多小食店，佢哋餐牌選擇唔算太多只有6種口味，不過咸的甜的雞蛋仔都有，滿足好多人的不同口味尤其係市區好少見有的星星雞蛋仔，係香濃朱古力味加上蜜糖星星，足滿兒時味道既感興，即刻就揀左尼個味樣子當然是一流的啦，每一粒雞蛋仔都放左一粒蜜糖星星，成個都好靚至於味道，其實一般般，但好處係整個雞蛋仔不是太甜，食完唔會周圍揾水飲，感覺幾好因為有啲地方的朱古力味放好多朱古力，變到好甜，食完會覺得好肥😎佢哋驚喜的地方係蜜糖星星的味道沒有被朱古力遮蓋，同時仲係香脆的感覺不過，同時因為甘樣，整個雞蛋仔的朱古力味唔夠濃也不夠脆下次真係要試下配埋雪糕，應該味道就岩岩好啦！

一入赤柱市集就見到呢間小食店；食鋪雖小，但色彩繽紛門口吸引眼球。為了迎合香港人及遊客貪新鮮口味，店主提供一系列新式的雞蛋仔包括：芝士雞蛋仔，豬肉鬆雞蛋仔，紫菜雞蛋仔，香濃朱古力雞蛋仔及星星朱古力（$28-35）今次試左星星朱古力，店員首先落朱古力漿放上煎pang 上，再加上星星（殻物早餐）來製作。製作時間有點長，大概5分鐘左右... 然後在風機上足一陣.. 讓雞蛋仔更加脆。朱古力雞蛋仔，外觀上滿分💯，一口咬下去帶有濃濃的朱古力味，真的值得一試。（如果雞蛋仔可以更脆就會再好一點點）

假日嚟到赤柱都係志在閒逛下同埋食吓好嘢咁，咁岩經過呢一間賣雪糕同雞蛋仔嘅鋪頭堆滿晒人，行過去發現個賣相有幾吸引，就忍唔住手買咗一個黎試吓啦。我叫左一個朱古力星星雞蛋仔，其實叫呢一個都係貪佢個樣幾得意咁，不過出到嚟就發現唔係粒粒雞蛋仔個星形都出到黎，有少少失望。不過好彩啲星星都仲係脆嘅，整體嘅味道都唔錯，不過就冇想像中咁驚艷，不過不失啦。至於個價錢方面，普通單一味道嘅雞蛋仔就係＄28 ,但係星星雞蛋仔就要＄38 ,加啲星星就貴左＄10 ,坦白來講我覺得唔係好值呢一個價錢。不過去赤柱呢一啲旅遊地方我都預咗佢嘅售價會比出面貴啲，值唔值就見仁見智啦！

已經不知道多少年來到赤柱啦, 這天和男友來到赤柱, 才剛下車已經熱到全身汗, 熱辣辣最想吃雪糕, 原本只想到7-11買的, 碰巧看到旁邊有一間雪糕店, 便過去了. 這裡有很多不同口味的雪糕可以選擇, 每一款我都好想試試啊!我們叫了一個雞蛋仔雪糕, 雞蛋仔是巧克力星星口味, 雪糕是白巧克力口味. 看上去就覺得很漂亮味道很不錯,吃下去真的很涼快,另外, 店員的服務態度很好, 很有禮貌啊!可是價錢太貴了, 要$78. 不過偶爾嚐嚐新東西也就算了.

夏日炎炎當然係去沙灘游水，赤柱係我首選。今日一行五人同陽光玩完遊戲，周圍行吓，見有間舖仔有特式飲品，雪糕同雞蛋仔，啱晒做完運動嘅我哋。店內嘅裝飾簡單可愛，食物方面雪糕款式多，好多日本直送嘅款式係外面無，亦有雪葩，飲品有台式飲品，沙冰同特飲，雞蛋仔款式好多，足料而且味道唔錯。店員親切有禮，雪糕種類超多。上面金莎味朱古力味唔太濃，無咁漏。下面係我好鐘意嘅日本櫻花味，好香奶味。上面係比較輕怡嘅日本白桃雪葩。下面分別係芒果雪葩，檸檬雪葩同瑞士朱古力，雪葩類感覺好清新，另一隻有啲似雲呢嗱雪糕。楊枝金露有粒粒芒果同柚子，唔會太甜，唔錯。芝士雞蛋仔，店員灑好多芝士上雞蛋仔上，烘完芝士好香口。豬肉鬆雞蛋仔，同雞蛋仔好夾。紫菜雞蛋仔，好似紫菜蛋卷咁，加咗上去有另一番風味。原味以及朱古力味 ，所有雞蛋仔都比外面嘅厚身，雞味亦比較重。

今天星期六😊和bb入了赤柱行下街😍😌經過一間小食店,就被食物的香味吸引😝😝原來是我最喜歡雞蛋仔😋這間店的特色小吃是雞蛋仔夾著多款口味的雪糕🍧🍨😚由於今天天氣有少少涼，所以無選到色彩繽紛的雪糕，只是選了朱古力味的雞蛋仔🍫雖然此店有芝士，紫菜等較有特色的口味可供選擇，但我最喜歡朱古力味🍭🍭所以就選了它😝😝🙆🏻🙆🏻 我都試過不少店的雞蛋仔(eg北角雞蛋仔，龍津等),我發現這個外面不是太脆，又不會太甜，都幾足料😋食了都幾飽😚好滿足👏🏻👏🏻朱古力和雞蛋味之間取得平衡👏🏻👏🏻非常出色👍🏻但我估計這間店主打雞蛋仔夾雪糕，所以不論是雞蛋還是朱古力味，都較外面賣的雞蛋仔無這麼濃🤔🤔期待下一次再試雪糕😊😊😍

今日同男朋友入赤柱柏拖☺行到新街個邊本身想入7仔買野飲，見到隔離有間專賣gelato 嘅甜品鋪就入去睇下，好得意，佢有雪糕雞蛋仔賣於是買黎試下，兩球加一底雞蛋仔$87，旅遊區再加上係gelato 都ok ge。店員話有30幾隻味😵點簡😌另外可再加topping,選擇困難症嘅我簡左桑莓味同香蕉朱古力味gelato，本身都驚雞蛋仔會同gelato 唔夾，摵左一粒再點啲雪糕，一放入口，鬆軟嘅雞蛋仔加埋幼滑嘅gelato 原來好夾。桑莓味酸甜甜，愈食愈開胃，而香蕉朱古力味就好香。唔知係咪旅遊區，店員好有禮貌，問佢野都好樂意答，仲教我地行去邊邊影相靚（因為係第一次黎🙈），下次黎赤柱再試埋佢其他味gelato 先

假日悠閒逛赤柱，呢暑間甜品店新開未試過，門面放了好多雪榚及雞蛋仔模型好搶眼，入內無座位，只可以立食！主賣Gelato、台式飲品、雞蛋仔！特別啲嘅款式係雞蛋仔加雪榚球！食品價錢頗貴（旅遊區無計）一排雪櫃放咗好多種味道嘅雪榚，每款雪榚上放了中英對照嘅牌加一個食品模型，唔識字都可以按模型揀味道！近門口係整雞蛋仔！兩個店員看檔！我今次來試雪榚雙球雪榚（$55）我同肥髀各揀一款，無加$5要脆筒！gelato偏酸，味道唔會好甜！檸檬味超級酸（係盲婆都開眼嗰隻）柑味酸酸甜甜，柑味好清新，結果我將柑味撈檸檬先食到！收錢男店員有禮，對小朋友有笑容，有問有答，招呼人客都係佢負責，反而雞蛋仔店員就唔出聲嘅，好專注做雞蛋仔！