十字冰室 (The Argyle)

营业中

休息中

最近突然好想去澳牛食茶记野不过又唔想好赶咁食完走，突然就醒起十字牌牛奶开嘅冰室，谂住sell嘅嘢应该都差唔多挂，一于走去试下。一开始叫咗个火腿爆蛋菠萝包（完全唔系主打）但黎到一啖咬落去啲蛋黄系嘴角流哂出来，食到踢哂脚但又好爽，菠萝包嘅甜同蛋味原来几夹。第一次黎到呢度试食唔试佢地啲奶制品又好似唔应境，跟住就畀menu上面白雪公主呢个名吸引咗，系十字奶雪糕沟雪碧！上到枱就自己倒雪碧落去啲雪糕，系咁爆泡食落口感系好过瘾！最后忍唔住嗌咗碟椒盐烧卖收尾，三样嘢入面最普通果样。烧卖同d汁好似分开哂咁，唔入味。但整体来讲都几好，可以再返兜！