巴依餐廳

营业中

休息中

有超过十年无去巴伊餐厅，以前拍拖食过一两次晚巿，今日趁假期黎食翻一转。餐厅外观同以前无乜分别，簕杜鹃装饰嘅前门，带来几分异域风情。一入门口已经见到有好多个米芝莲牌恭迎各位，仲有"蔡san推介"。室内嘅装修同当年有好大分别，无左当年嘅粗犷感，座位整齐左，亦依然宽敞。午餐不算多人，没有坐满，最特别系有好多"外国人"，我估系回教国家人士，堂食或外卖的都有。午餐唔驶食到咁劲，我地叫左3个粉面饭。第一个上嘅系新彊手抓饭，餐牌写住系炒饭，饭有两个饭碗咁多，但材料认真少，只有数件羊肉和细细粒嘅红萝卜，可以话系无乜味，要系咁落枱面嘅粉(估计系用黎倒落串烧嘅调味粉)，先至有翻少许孜然味。第二个系新疆拌面，查实点餐时我地系有问侍应有咩材料，佢话系餐厅推介之一，咁就即管试下。碗面好大兜，微辣但好油，有好多青红椒，只有几片好薄嘅羊肉，最多嘅就系面，感觉似自家制面。第三碗系红烧羊肉面，系咁多碗之中最抵食，羊肉有7至8旧，炆得好林，汤亦好味无太咸，面嘅份量也十分之多，但一条菜都没有。以前在巴伊餐厅食完嘢，会有个酸奶甜品，记忆中有啲提子和黑芝麻铺面。而家见好似得翻呢个杏仁羊奶冻，细细杯都好食，但性价比略低。可能系因