時代冰室 (頌安商場)

营业中

休息中

其实之前都听过呢间野好多次，但系一直都未有时间去，所以趁今日放假就同男朋友去呢一间萧生嘅茶餐厅试吓。晏昼两点几去到都唔算好多人，一去到就有位入座。餐牌都算好多嘢间，有日式嘅港式嘅或者意粉𠮶啲都有，都算多元化㗎啦。男朋友拣咗呢个海南鸡饭，鸡肉嘅份量的确比较少，但系下午茶来讲都算系咁，不过下次应该唔会再食呢个海南鸡饭啦，男人食完都唔够饱。我就拣咗呢个蛋包饭，汉堡扒份量的确较细，啲汁亦都唔够多，大个炒蛋上手都几好，唔算太干身。由于男朋友唔够饱嘅关系佢叫多一份下午茶顶肚，但系呢个口多士实在超级普通，彷佛系一片非常普通嘅方包夹住一够炒蛋，我本身食惯清淡但都觉得呢个多士太过清淡啦。总结来讲第日如果有机会都仍然会食呢间野嘅，因为颂安商场好食嘅嘢真系唔算多，而佢又输好多嘢拣，同埋坐得好舒服。不得不赞餐厅里面有个20几岁嘅哥哥仔侍应，非常有礼貌，又细心，所以就算啲嘢唔好食都会记得有一个好有礼貌嘅侍应。