影片
更多
2017-03-09
1832 浏览
同屋企人去左西环大排长龙既德记食晚饭。订左枱都要等位，冇订枱的话真系企到脚仔软都唔会有位。若果肚仔饿又未入得去，餐厅门口有个婆婆卖砵仔糕同糯米滋，可以医吓肚仔先，味道都唔错，又可以怀缅一下儿时回忆。进入餐厅，座无虚席，座位挤迫，但尚算整洁。近门口位置摆放咗打冷食物柜枱，一只只冻蟹，卤水鹅放哂响度，好吸睛，睇见都流哂口水。服务方面，服务员都忙到踢哂脚，若果要亲切友善、随传随到既服务，就要请移玉步去其他餐厅用膳勒～是晚我哋点了卤水拼盘、陈醋熏鳯尾鱼、沙爹牛肉炒芥兰、冻蟹和蚝仔粥。入座后服务员会先上咸菜和豆腐干作为前菜。咸菜爽脆，咸味适宜，不俗。豆腐干真系好干，仲有油益味，感觉唔新鲜，试左一粒就冇再食勒。卤水并盆-有鹅片、连皮猪肉、肾，红肠及豆腐。鹅片入味，肉嫩富肉汁，咸度适中，好味好味，连皮猪肉真系不得了，质感似猪头皮，烟烟韧韧，夹杂左瘦肉又冇猪头皮咁油滞，碟野黎到冇耐d连皮猪肉就俾我食哂勒，唔健康都要食多几块。至于肾、红肠和豆腐就不过不失啦。陈醋熏鳯尾鱼-香口味美，油而不腻，略带微酸，开胃醒神。正！冻蟹-肉质结实，鲜甜饱满，唔点任何酱汁经已非常好味。六佰蚊一只算是物有所值。超赞沙爹牛肉炒
是晚我哋点了卤水拼盘、陈醋熏鳯尾鱼、沙爹牛肉炒芥兰、冻蟹和蚝仔粥。入座后服务员会先上咸菜和豆腐干作为前菜。咸菜爽脆，咸味适宜，不俗。豆腐干真系好干，仲有油益味，感觉唔新鲜，试左一粒就冇再食勒。
卤水并盆-有鹅片、连皮猪肉、肾，红肠及豆腐。鹅片入味，肉嫩富肉汁，咸度适中，好味好味，连皮猪肉真系不得了，质感似猪头皮，烟烟韧韧，夹杂左瘦肉又冇猪头皮咁油滞，碟野黎到冇耐d连皮猪肉就俾我食哂勒，唔健康都要食多几块。至于肾、红肠和豆腐就不过不失啦。
陈醋熏鳯尾鱼-香口味美，油而不腻，略带微酸，开胃醒神。正！
冻蟹-肉质结实，鲜甜饱满，唔点任何酱汁经已非常好味。六佰蚊一只算是物有所值。超赞
沙爹牛肉炒芥兰-牛肉嫩滑，芥兰炒得恰到好处，脆嫩爽口，够哂惹味，送饭超赞。
蚝仔粥-好失望。蚝仔唔新鲜，挺大部份的蚝仔有腥味及口感糊烂。味道略淡，不会再点。
个人认为整体味道不俗，但要排咁耐队又不太值得。
张贴
