達人烤肉 (已結業)

讲左好耐话想去食韩烧,终于有机会!上到去,环境唔错,枱同枱之间唔会太迫,电视播住K-POP,待应仲多数系韩国人,够晒地道!叫左一份牛一份鸡,落完单就即刻比配菜黎,有沙律,泡菜,洋葱..沙律唔错,够清新开胃,食烧肉前最岩!不过泡菜就好似咸左少少…最期待系佢炉上面蛋既同芝士粟米,睇住D芝士慢慢溶,未食已经觉得好正!粟米好甜,沟埋芝士食味道好新奇,又咸又甜咁,但要快D食,因为D芝士烧得耐会㶶…蛋好滑, 蛋味都算浓。主角终于上枱,虽然份量唔多但够新鲜, 牛肉烧一阵已经好快熟,食落几嫩滑,可以食到浓浓既牛肉味,相比牛肉, 鸡肉就令人有D失望,太普通,重香料味,盖过晒肉味。