早安越南 (已結業)

♥︎♥︎3月14日白色情人节快乐♥︎♥︎ 难得揾到个好机会试下新嘢，不过第日仲要返工所以近近地系红磡黄埔觅食。 比我地发现咗一间叫「早安越南」嘅越菜。我地就叫咗个小食拼盘同埋猪肉炒河粉试下先～小食拼盘比想像中大份，每样都系有三件：扎肉﹑蒸粉包﹑两款春卷﹑香茅鸡翼﹑炸虾饼。其实我地食完小食拼盘已经半饱状态哈哈！都算抵食！味道尝算可以，系鸡翼有啲干身 猪肉炒河粉唔算多油，配料同猪肉都好多，味道不过不失，对得住价格啦～整体都好大碟，而且价格公道，不过特色欠奉，希望可以推出多啲新款菜式啦！