影片
更多
2019-03-18
4776 浏览
因为工作关系，当晚难得可以系JW万豪酒店食自助餐，满心期待食物会好丰富，但后来发觉自助餐范围其实都颇细，种类都唔算太多，同想像有点出入。一入餐厅，已经见到有不少精致甜品。小巧可爱，卖相都颇吸引。然后就会见到几大盘烟三文鱼，我一见到就忍唔住心心眼，因为自己都颇钟意食三文鱼。第一轮差唔多每款三文鱼都有试下，但大部分烟三文鱼味道都太有特色，烟熏味道太浓郁，反而令整件三文鱼味道变得好怪。恕我唔太识欣赏呢度嘅烟三文鱼。海鲜仲有龙虾个类，都几大只，refill速度都快。见到好多人疯狂食龙虾，自己试咗少少，都唔错。但比较失望嘅系无生蚝，有点失望。刺身方面，系有专人切比你。有八爪鱼、三文鱼、吞拿鱼个类，比较大路嘅款式。刺身正常，新鲜程度尚可吧。寿司卷物都好少，都系普通款。旁边有冷面，味道都可以嘅。熟食方面有中式同西式，中式好似多少少，中式有花胶、烧味、粉面个类，师傅会即场整片皮鸭比你，都几有趣。之前未食过片皮鸭，忍唔住拎咗两旧。面包皮比较多粉同厚身，鸭肉偏向扎实，另外蘸有少许酱汁，味道算还可以，但同想像中有点出入，未有令我惊艳嘅感觉。至于西式我都唔系试咗太多，要咗一块牛扒，牛味唔算突出，筋位超级多，非
满心期待食物会好丰富，
但后来发觉自助餐范围其实都颇细，
种类都唔算太多，同想像有点出入。
一入餐厅，已经见到有不少精致甜品。
小巧可爱，卖相都颇吸引。
然后就会见到几大盘烟三文鱼，
我一见到就忍唔住心心眼，
因为自己都颇钟意食三文鱼。
第一轮差唔多每款三文鱼都有试下，
但大部分烟三文鱼味道都太有特色，
烟熏味道太浓郁，反而令整件三文鱼味道变得好怪。
恕我唔太识欣赏呢度嘅烟三文鱼。
海鲜仲有龙虾个类，都几大只，refill速度都快。
见到好多人疯狂食龙虾，自己试咗少少，都唔错。
但比较失望嘅系无生蚝，有点失望。
刺身方面，系有专人切比你。
有八爪鱼、三文鱼、吞拿鱼个类，比较大路嘅款式。
刺身正常，新鲜程度尚可吧。
寿司卷物都好少，都系普通款。
旁边有冷面，味道都可以嘅。
熟食方面有中式同西式，中式好似多少少，
中式有花胶、烧味、粉面个类，师傅会即场整片皮鸭比你，都几有趣。
之前未食过片皮鸭，忍唔住拎咗两旧。
面包皮比较多粉同厚身，鸭肉偏向扎实，
另外蘸有少许酱汁，味道算还可以，但同想像中有点出入，未有令我惊艳嘅感觉。
至于西式我都唔系试咗太多，
要咗一块牛扒，牛味唔算突出，
筋位超级多，非常难切，好多位都唔适合食。
另外我拎咗啲配菜，例如薯仔、扭扭薯条。
薯仔系有烤焗过，但香味欠奉，带唔出薯仔香。
反而扭扭薯条几好，惹味香口，
但薯条稍嫌幼身，令口感减分。
至于甜品，大部分味道都唔错。
面包布甸颇香，布甸口感滑溜。
抹茶tiramisu都几好食，抹茶粉唔会太苦涩。
见到豆腐花都忍唔住试咗啲，加上黄糖，
唔会太甜，清清淡淡，几好。
值得一提焦糖炖蛋，虽然每杯焦糖厚度有啲参差，但焦糖加上炖蛋真系好香，炖蛋好重蛋奶香，忍唔住食完一杯又一杯。
亦有haagen dazs杯装雪糕，但口味都系大路款，如云呢拿、朱古力、士多啤梨等，唔太吸引。
生果款式唔算好多，切得都颇大粒，味道还可以。
张贴
