影片
更多
2007-07-15
22 浏览
寻晚同2位朋友大约9点几去食, 都仲有好多等紧位, 门口位小姐叫我地3个字后先返来, 咁就差唔多食得啦.坐底时个朋友一早order晒几味菜, 所以我就乖乖地等开餐, 等左大约个零字就有菜上, 都算几快手:例汤- 朋友话冇味精, 我自己就觉得一般啦, 唔觉得特别好味但又唔觉难饮, 但觉得唔够热唔够滚, 始终饮汤要滚先好饮嘛阿麻鸡- 朋友极力推介好好食, 味道似沙姜鸡, 肉唔算太鞋, 但叫ok入味, 算不上真系好好味蛋白翠玉瓜班片- 好多蛋白, 翠玉瓜都几爽口, 班片食左一块, 觉得怪怪的, 好难咬开, 同埋有阵味, 但又唔似系雪味, 总之唔系好左好多啖蜜饯铁板猪柳- 热呼呼的送来, 香味同个样都好吸引, 猪柳有蜜味而且真系几入味, 又唔鞋, 好淋, 算几好食3个人再叫左一人一个白饭, 可能我地都细食, 所以都食唔晒D野, 饭后送来糖水, 但个样都几可怕, 一眼望落都唔想饮.要讲一讲服务真系好麻麻, 一开始门口位小姐冇咩礼貌, 全程食左个零钟又冇人fill水, 食到差不多之时佢见有客等紧位, 眼望望就走过来叫我地埋单先好唔好, 咁讲法即系赶客要我地走啦...想坐耐少少倾下计都唔得. 今次朋
坐底时个朋友一早order晒几味菜, 所以我就乖乖地等开餐, 等左大约个零字就有菜上, 都算几快手:
例汤- 朋友话冇味精, 我自己就觉得一般啦, 唔觉得特别好味但又唔觉难饮, 但觉得唔够热唔够滚, 始终饮汤要滚先好饮嘛
阿麻鸡- 朋友极力推介好好食, 味道似沙姜鸡, 肉唔算太鞋, 但叫ok入味, 算不上真系好好味
蛋白翠玉瓜班片- 好多蛋白, 翠玉瓜都几爽口, 班片食左一块, 觉得怪怪的, 好难咬开, 同埋有阵味, 但又唔似系雪味, 总之唔系好左好多啖
蜜饯铁板猪柳- 热呼呼的送来, 香味同个样都好吸引, 猪柳有蜜味而且真系几入味, 又唔鞋, 好淋, 算几好食
3个人再叫左一人一个白饭, 可能我地都细食, 所以都食唔晒D野, 饭后送来糖水, 但个样都几可怕, 一眼望落都唔想饮.
要讲一讲服务真系好麻麻, 一开始门口位小姐冇咩礼貌, 全程食左个零钟又冇人fill水, 食到差不多之时佢见有客等紧位, 眼望望就走过来叫我地埋单先好唔好, 咁讲法即系赶客要我地走啦...想坐耐少少倾下计都唔得. 今次朋友请客($26X), 真系多谢佢先, 不过下次要自己比钱既话, 一定唔会返来.
张贴