青森料理 (已搬遷) 新店位置

今次系第二次同屋企人黎依度食，呢间算系性价比相对上高嘅日式餐厅。寿司三文鱼同埋玉子都好味。首先系个三文鱼切到好长，我作为客人见到三文鱼第一眼就觉得好值，食落口味道都唔错玉子仲要系暖暖地，好味！铁板一口牛牛肉唔靱但唔系话好软，蒜味足，啱晒我依啲重口味嘅人。呢个饭都尚算可以，唔系话十分出色，但系对得起佢个价钱。我哋仲叫咗个烧鱼干（无影），味道正路。总括而言，食日本野黎讲呢间野算系平而且食物都不过不失（虽然冇惊喜），所以如果想食日本野一试无妨。