青森料理 (已搬遷) 新店位置

今日與家人相聚，到這家吃日本野.唔使等就有位,GOOD一張凳點餐紙上都有好多選擇有壽司，刺身，小食，鍋物，拉麵等等確實幾矚目最後嗌左三文魚SASHIMI, 一堆壽司,仲有燒雞軟骨棒三文魚就比較高質，食得出材料好新鮮，冇乜筋，$98 8塊，其實都唔算特別平架，三文魚大大舊唔吝嗇，不過又滑又肥又好食就抵番囉。甜蝦壽司 - 很大隻，不錯鮮帶子壽司 - 夠厚身，而且很新鮮鰻魚壽司 - 還不錯吞拿魚壽司 - 普普通通，有點根燒雞軟骨- 香脆又有口感不錯埋單都係$400,左右,抵挽

除咗刺身正常, 其他熟食都難食到完全入唔到口! 芝士餃子明顯係最cheap嘅急凍餃子再求其鋪塊芝士係上面就上碟, 連焗都費事! 真心呆咗, 我嬲到連相都費事影, 真係嬲到冇朋友囉! 三文魚軟殼蟹卷嘅飯同蟹都淋到一個點, 咁大個人未係街食過咁難食嘅三文魚軟殼蟹卷, 連呢個卷都可以整得咁難食真係好真心嬲! 如果唔係牛角要等兩個鐘先有位絕對唔會退而求其次嚟呢度食啲垃圾食物! 價錢都唔係平, 兩個人食咗4舊水, 但完全係蹧蹋咗我個胃! 最好笑係連個最簡單嘅拉麵都可以嚟錯, 我老公諗住費事煩唔知佢會再整啲咩所以冇出聲照食個地獄湯底, 最後今日肚痾! 希望佢哋嘅廚房部能認真啲對待與尊重食物及客人! 浪費食物真係好折墮的!

呢間日式料理餐廳🍴青森，已經係新墟開左好耐，一直都無試過，因為成日都好多人排隊～呢日做完運動，晚上見無乜人就簡佢試下啦～充滿日本風味既舖面，連地下張地毯都有日文～外面仲擺左幾張木凳仔！木門都好有和風味。兩個人叫左個汁燒豬軟骨拉麵🍜〔自家製〕$62有豬骨湯底同地獄湯底兩款揀，我地簡左豬骨湯底，湯底普通，豬軟骨好淋入味，充滿骨膠原嘅軟骨好正～配料同拉麵都無乜特別！唔算特別好味！芒果蟹子沙律$58聽講呢個沙律經常賣曬～上枱我就嚇左一跳，咁大碗既！分量多到不得了！芒果好甜，蟹子冇腥味，連埋沙律菜食好有口感，不停係口腔爆炸～係唔錯喎！好食！炸雞軟骨粒$45呢個就麻麻地，啲雞軟骨粒好細粒，味道唔太濃，沾埋個沙律醬先好少少。最後口痕叫多左個日式燒魚干$45呢個燒魚干出奇地好味！燒到好像魷魚乾咁，好得意！好有味！呢個係咁多樣食物中最好味既！推薦！食完仲想叫多個外賣拎走，不過怕眼闊肚窄會浪費，所以最後都放棄左！

$57蚊，又免加一，有飯有拉麵任君挑選前菜：蟹籽沙律加手卷或三片三文魚刺身飲方面是：麵豉湯或紅茶柚子茶類我選了吉烈豬排拉麵，個豬排都有手掌般大，算唔錯，炸得脆口，個人感覺個麵就偏硬，未淥得透，味精海底是正常！這個價錢算ok 啦！街坊生意，抵食夾大件。

嚟屯門除咗喺大商場搵食之外，嚟新墟亦都不失為一個選擇。之前朋友推介呢間日式料理小店，今次第二次幫襯，有啲掛住佢嘅長型三文魚壽司！入面位置算多，但座位與座位之間就比較狹窄。🔹 什燒鰻魚烏冬 $68鰻魚同湯烏冬分開上，鰻魚份量可以share到兩個人食，無細骨，口感不錯。湯烏冬熱辣辣同夠彈牙，而且仲有半隻熟蛋。🔹 三文魚壽司 $35🔹 吞拿魚壽司 $30🔹 海膽手卷 $50🔹 油甘魚壽司 $32🔹 劍魚腩壽司 $32呢間三文魚超長！長到係可以U型包住舊壽司飯都得，新鮮肥美不錯！海膽手卷正正常常，保持到鮮味，而且好足料，唔係一小舊海膽就算。另外吞拿魚、油甘魚同劍魚腩夠厚切鮮甜，食完好想再order多幾件食😋 所以有時發掘多啲小店，真係會有意外收穫！而且價錢合理，食多咗都唔會肉赤😉📍青森料理屯門新墟德政圍39號地下．．環境分數：7.8/10食物分數：7.5/10Encore分數：7.8/10

家住在附近，咁岩今日行過入左去食午餐午餐黎講價錢都唔算貴叫左SET LUNCH 好抵食叫左鰻魚飯 用料好多 啖啖飯都食到鰻魚 碗飯又大真係又抵又好食另外仲送左三文魚生就算送都好新鮮 同埋都唔會好細塊 係正常SIZE架絕不欺場走個時見到人地個三文魚生飯好新鮮又多魚生下次要試下!

睇市廣場食都冇嘢好食嘅話，落嚟新墟嘅小巷嘅餐廳都係一個好嘅選擇。青森喺屯市都開咗好耐㗎啦，算係老字號。一定要食玉子燒，因為親手製作，上碟個陣仲係熱辣辣，有煙冒出黎。入口香滑，不略微甜咗少少。鰻魚口感比較差，有啲銀，唔算入口即溶。唔建議喺度嗌黎食。三文魚刺身就比較高質，食得出材料好新鮮，冇乜筋，$98 8塊，其實都唔算特別平架，不過好食就抵番囉。燒三文魚頭普普通通，我唔鍾意佢嘅魚皮嘅魚鱗，啲肉又唔算好滑，乾身左少少。鰻魚炒飯，勁少鰻魚，啲飯都炒得唔夠香，飯粒唔乾身，唔推薦

好難食 蒜容牛柳粒飯 啲牛柳粒係牛柳碎 乾過你啊媽 好似人地食剩禁 啲餸份量勁少同勁碎吾知佢想點 下面有好多洋蔥墊底 有其他選擇都吾好揀佢 寧願食下車仔麵好過食人地煮到好似食剩禁

約左好耐冇見既朋友係屯門青森到一聚，由於朋友當日有事遲到，我就係餐廳等佢半個鐘到，但職員都冇催我叫野食，或者比面色我睇，值得一讚。回歸正轉，我同朋友兩個人散叫左啲野食壽司同刺身黎到，好新鮮。玉子壽司仲有熱氣，證明係即叫即整。超大碗蟹籽沙律，同朋友兩個食唔晒，整體唔錯，沙律醬可以少一點。小食—-芝士年糕送到來仲係好熱，要等一等先食得，唔太油，份量岩岩好。最後叫多左一個牛油金菇同一口牛牛油金菇—牛油味唔夠重，啲菇爽口一口牛—好韌，麻麻地整體來說，晚餐食物都算大份、抵食，價錢唔貴，每人$250左右可以再去

青森已在屯門開了很久，一直都區內的抵食日本菜，不過食品當然會有少許港式元素；店內座位很多，會有少許迫，而食物選擇很多，因為有三個人的關係，所以可以點多幾款食物～壽司方面：三文魚 - 三文魚長長的，但比較薄身甜蝦 - 很大隻，不錯鮮帶子 - 夠厚身，而且很新鮮鰻魚 - 還不錯吞拿魚 - 普普通通，有點根八爪魚 - 不錯火龍卷 - 有8件，裡面是炸蝦，面灑哂蟹籽，好味三文魚海膽手卷 - 海膽比想像中新鮮，三文子又夠多，好味炸軟殼蟹手卷 - 會配上生菜，不會太油膩熟食方面燒玉子 - 很不錯～而且熱辣辣～炸蝦天婦羅 - 炸粉不會太厚而且夠熱，不錯蒜片一口牛 - 油了一點，但牛肉沒過熟，不錯日式海鮮燒餅 - 很大塊又厚身，如果沙律醬多點會更好性價比算不錯，港式日本菜，而且不用加一，店員也很用心加水和收拾，真的不錯啦～

今次係第二次同屋企人黎依度食，呢間算係性價比相對上高嘅日式餐廳。壽司三文魚同埋玉子都好味。首先係個三文魚切到好長，我作為客人見到三文魚第一眼就覺得好值，食落口味道都唔錯玉子仲要係暖暖地，好味！鐵板一口牛牛肉唔靱但唔係話好軟，蒜味足，啱晒我依啲重口味嘅人。呢個飯都尚算可以，唔係話十分出色，但係對得起佢個價錢。我哋仲叫咗個燒魚乾（無影），味道正路。總括而言，食日本野黎講呢間野算係平而且食物都不過不失（雖然冇驚喜），所以如果想食日本野一試無妨。

-前菜蟹籽沙律及三文魚3片蟹籽沙律得少量蟹柳絲三文魚倒是不錯，切得厚薄適中。-滑蛋鰻魚飯本來係期望可以食到多汁的滑蛋，但好可惜佢無滑蛋汁都算，連鰻魚炒蛋飯都算唔上，啲蛋熟晒之餘仲要勁少。而且鹹到我盡力食左幾啖就放棄左!(怒｀Д´怒)

聽聞青森既午市定食抵食，所以連menu都無睇就衝左入餐廳，點知就伏左...原來星期日無午市定食！ 咁唯有散叫啦...不過真係貴好多好多！叫左個汁燒豬軟骨飯，d汁既味似吉x家既牛肉汁，無咩味，而豬軟骨就只得三件，少了點吧！當差唔多食完既時候，第二個飯先送上，呢個就係吉列豬扒蛋飯。都食得出d豬扒係即炸，但蛋就好少，認真麻麻。最後無叫飲品，因為一杯蜜桃紅茶要16蚊，但如果食午市套餐係送架！大家記得星期一至六先好黎食！

We came a few times and this time we ordered the famous 火龍卷, tamago, some stir fry mix veg, salmon sushi and swordfish sashimi. This is the first time I had to spit out the sashimi in a japanese restaurant. the presentation of the dish is weak. Raw salmon sushi was placed together with cooked tamago in a small plate. Haven't they heard about food contamination? Swordfish sashimi had a strong fishy smell. The meat was stale and it was hard to chew. It wasnt even cold to begin with. We returned th

水蜜桃蟹籽沙律 (7/10)蟹籽份量夠多，味道新鮮！生菜和沙律醬份量配搭剛剛好！(可惜是日沒有芒果,只能先吃罐頭的水蜜桃了)軟殼蟹手卷 (7/10)紫菜夠脆，軟殼蟹沒有太油。飯不算很多，吃了一件還有胃口吃其他。三文魚及帶子壽司 (7/10)兩樣也鮮味，三文魚雖然很長身卻偏薄，有點不滿足；可幸的是帶子厚肉，鮮甜！自我安慰: 拉上補下，以免吃得太飽，又不錯啊。其餘的也不錯，在水準之內，如火龍卷，甜蝦等。結賬時店員送上每人一粒獨立包裝的雪米滋，滿足離開