Bugis@叻沙・海南雞飯 (已結業)

前一晚在屯门贝尔特过夜，第二日就在附近Vcity食lunch，在food court度有几间餐厅拣，就拣咗呢间。食完先知原来有好几间分店😯埋单承惠$182.6，lunch都要加一的。$64肉骨茶好味，够浓味，不过好快会冻，同埋份量唔够捞个白饭。$64咖喱牛腩就不过不失，咖哩汁唔够，整个套餐比较干身需要饮野湿下个口，不过黄金饭就拎番分。$32马拉盏炒通菜就最好食，而且份量多到不得了，饱到我要放弃主菜（因为食菜比较健康嘛）😂杯$6朱古力上面啲toppings就有啲古怪，唔系好夹个朱古力，不过试下无坏既。结论：上菜速度尚可，质素普通，食完会口干。