成都冒菜

营业中

休息中

元朗新开嘅川菜，周末得闲立刻去试试佢！用左openrice连网上外卖平台嘅功能，足不出户就有川菜食，价钱会贵过堂食少少，但真系好方便！水煮鱼平时喺餐厅食都系大菜，通常几百蚊一碟，要多人Share，但成都冒菜就将佢做成一人份量，配上红薯粉、面或者白饭做主食，一人一兜唔一定要share，好似食碟头饭咁，其实几方便。外卖价$78一份水煮鱼，如果我无搞错应该系鲩鱼片，鱼片都几多，成十几片，仲有好多配料：豆卜、芽菜⋯⋯足料就好足料，但味道一般。鱼片味道ok嘅，唔腥，当然又未去到好新鲜嘅地步，但个汤底唔够「水煮」，我点左小辣，但食唔到麻味，好大阵胡椒粉味，唔系我印象中嘅「水煮」。