成都冒菜

营业中

休息中

有一次落咗外賣 結果去到留咗單 其實我五個鐘之前已經落咗 但係佢張張單攝咗唔知喺邊度 對唔住都冇講 好彩有個黑色衫阿姨 幫我追 嗰陣時仲要趕時間😡個黑色衫平陰阿姨服務態度唔錯 下次諗住俾多次機會食多次 同佢講話要紙袋 何況佢哋冇都幫我裝咗三個膠袋 😌啲嘢食唔差 價錢尚算合理 如果套餐有四餸揀 包嘢飲會更好 如果有鴨血就好了

叫左杯飲品走甜，可能待應哥哥忘記左無走到好快就換過一杯比我地之後發現飲品杯入面有污漬，有好多啡色嘢黐住喺個杯到廚房姐姐表示自己洗左五年碗唔會有呢個可能性連望都唔願意望下個杯再次要求先肯換過杯比我之後嚟到嘅嘢食同以往食開嘅味道都唔同待應態度好好

冬天吃辣可驅寒保暖冒菜是指一個人的火鍋🍲餐紙上配料選擇多不勝數有A-C餐可任選6/8/12款不同配菜更有酸菜魚及水煮魚等特色菜選擇酸菜魚(小) 🐟🍜 $65超愛吃酸菜魚，即使一個人，也可以隨時一解酸菜魚癮🥰，超大碗的酸菜魚，湯底選了中辣中麻，走蔥走芫茜，魚肉接近有10片，肉質嫩滑而且沒有骨，配料有酸菜，大豆芽，生菜🥬，另加$10一份爽脆的萵荀，配紅薯粉口感煙韌，能吸盡麻辣湯的精華，雖然越吃越辣🥵，但辣很過癮😂A餐 (任選6款，其中1款是主食) $52湯底選了招牌成都麻辣湯🌶️，小辣小麻，配搭了白菜餃，韭菜餃，炸支竹，凍豆腐及手打鯪魚滑，主食選了粉絲，份量一點也不少，能夠吸收湯汁的味道，讓每一口都充滿了麻辣的風味，最後還吃剩少少🤏🏼Lemon C🥤熱華田☕

今日朋友推介咗我嚟呢間食冒菜嘅餐廳，成個裝修比較地道，而且都有好多餸選擇。朋友推介一定要食魚，個人認為魚真係好好食，必叫。而且湯底都唔錯，價錢親民，平時諗唔到食咩都可以嚟呢度食

第二次來成都冒菜呢一度性價比真係好高$52就已經可以點六個餸菜雖然面底係其中一個餸但係你已經可以再加其他豬牛雞丸菜嘅餸女仔來講係完全夠飽但男仔就會建議加多幾蚊去叫八個餸真係嚟食就食特色嘅麻辣湯底其他湯底例如蕃茄湯我都試過 入面唔會有蕃茄蕃茄味真係好少湯底會變咗無味仲有你可以揀 麻以及辣嘅多寡如果你食食吓真係想多麻但係又唔想加辣店員係真係會比一樽啡色好似芝麻粉嘅麻俾你咁自己鍾意加幾多都得真係得呢度先有咁樣嘅服務

同老公最鍾意食酸菜魚今次黎左 成都冒菜 試下平日晚上7:30都坐滿人，差少少要等位🤭🤭叫左一鍋 酸菜魚(大)$188小辣🌶小麻🔥配粉絲，配菜：肥牛，紫菜❤️加配菜每款+$10 配料都幾多👍🏻👍🏻酸菜好食唔算係好酸，芫荽👍🏻👍🏻芽菜都幾多👍🏻超大碗！！！大size超多魚！❤️❤️勁開心紫菜索晒d湯好正❤️❤️肥牛唔靭👍🏻👍🏻粉絲都多👍🏻👍🏻👍🏻又係索到d湯，超正👍🏻👍🏻小辣唔算係好辣，小麻食到尾都feel到有d麻痹鍾意麻同辣既人可以試下中🤭🤭🤭兩個人食左$214👍🏻抵

普普通通一間嘅四川店，近朗屏西鐵站，今次叫咗個酸菜魚小辣加麻辣，湯嘅味道好夠麻辣香味，成碗份量都好足夠，唯獨是酸菜魚可以再多啲～同埋紅薯粉就淋左少少，如果再爽身啲會更加好。

午餐經戶戶送叫了三個麻辣湯麵，價錢幾平，本身打開個膠袋，見到餐具上面有隻生猛小強bb，咁都算！點知食到中途，見到湯麵有小強，真係嚇死，唔敢再食。連外賣都可以有兩隻小強，可想言之，餐廳入面有幾多隻小強。

呢一間幾乎每次都要令我專程坐車🚗入去元朗食嘅一間四川成都冒菜🌶️🌶️🌶️🍲鍾意食麻辣燙嘅你哋記得下次一定要去試 👍🏻🤤我每一次必點嘅都係招牌成都麻辣湯底 中辣中麻 🔥💥配紅薯粉 $60有八樣餸真係食車仔麵都唔止呢個價錢 肥牛 萵筍 紫菜 芋絲 鯪魚滑 金菇 都係每次我必點嘅配料 不得不提佢個鯪魚滑👍🏻👍🏻👍🏻每次我都會特別叫多一份 因為實在太好味啦 配料吸晒啲濃郁嘅麻辣汁真係食到嘴唇變厚都覺得好正 佢個麻嘅後勁都非常之犀利每次食完之後離開間餐廳個嘴唇都會㷫烚烚😆😆🔥

今次試吓呢間成都冒菜因為睇過好似幾抵食咁不過位置嚟講佢唔太方便，唔近市中心，如果喺朗屏西鐵站行過去應該要大概3至5分鐘平日嘅晚上去到冇乜人大把位可以選擇叫咗兩個B餐，$60有八款選擇（主食都當其中一款！）招牌成都麻辣湯小麻小辣B餐$60，主食粉絲！🔥👍🏻👍🏻👍🏻超正推薦！揀咗肥牛、紫菜、魚腐、油麥菜、土豆片、新鮮魚片x2(一問之下原來魚片可以叫兩份！😍）個人認為肥牛魚腐都冇乜特別，魚腐有啲似魚蛋片，可以唔食紫菜都幾正唔係出邊用嚟煲湯嗰啲紫菜，都幾爽口。近期都比較鍾意食魚片，所以叫咗兩份，冇腥味，都滑，可以一試！個粉絲嘅份量真係超爆多，索埋啲湯真係食極都仲有咁👍🏻👍🏻個人應為小麻小辣都夠，會越食越辣。招牌成都麻辣湯小麻小辣B餐$60，主食粉絲！揀咗海帶、蟹柳、魚蛋、豬紅、牛柏葉、金菇、新鮮魚片。白魚蛋大大粒都幾好食👍🏻👍🏻，牛柏葉爽口推薦👍🏻👍🏻豬血推薦👍🏻👍🏻罐裝飲品+$6總結：唔錯，有下次！

今日去南生圍郊遊遊決左中午首先去元朗醫肚先聽朋友講過元朗有間唔錯既冒菜呢幾年無得返深圳 係香港始終搵唔到深圳個種味道既冒菜咁就一於跟朋友推薦試下呢間店隔一條街有少量咪錶位對揸車人士相對方便由於見OpenRice有人推薦酸菜魚決定同朋友叫一個8餸冒菜+一個酸菜魚（細）兩款各$60酸菜魚叫左小辣 魚片滑又唔腥利申本人極度怕腥 但呢個真係一d 腥味都無成個湯都幾重芫荽味 由於我唔係太鍾意芫荽 所以都係比較期待冒菜 冒菜可以簡辣度同麻度 今次就簡左中辣中麻一見到冒菜個顏色 就覺得好吸引個湯雖然好似好紅 但其實食落唔算辣食得辣人士可以放心叫辣d湯既味道老實講 都係同深圳食開既差d但已經有7 8成個種感覺而且$60有8餸 個主食（粉絲）仲要多到食極都食唔晒 覺得幾抵食如果係附近經過開都會再食！

在街市買菜後，便想在附近找間餐廳快快填肚，於是就拐個灣，進入了成都冒菜。因為天氣實在太炎熱，所以沒有點辣的，而選了豬骨湯底的公仔麵，感覺更易入口，當然，也要來杯凍檸茶！先一起看看餐牌，感覺也很豐富和吸引，A餐五十大元就可有五樣餸加一個主食(即是麵食)，不會以餸菜來或分價格，以「車仔麵」來說，感覺上很親民，另外更有酸菜魚及水煮魚等菜色，甚有特色。以下是我的配搭:湯底——豬骨湯1. 火鍋面2. 韭菜餃3. 土豆片4. 海膽丸5. 脆皮蜜糖腸6. 雞翼它的碗很寬闊，讓餸菜一目了然，加上湯底傳來陣陣香氣，第一感覺不錯。當然，上面的芝麻及「青」也為它增添幾分撲鼻。可惜，麵條應該尚未煮夠，還是偏硬，丸和腸是普通貨色，但也不要緊！只是雞肉還是有兩條長長的羽毛，也有些肉腥味⋯⋯湯底為它加了分，整體來說也不能以「好食」來形容，可能是我選了不太出色的配搭呢！不過已沒有再試的意欲。而另一碗的配搭，便可參考圖片！

香港地專食四川冒菜嘅店舖唔多，元朗呢間就係其中之一。店面冇好華麗裝修，好平實、唔起眼嘅一間小店。冒菜源自四川，煮法係將預備好嘅蔬菜同肉放入辣味湯底燙熟。冒菜同火鍋好相似，但冒菜有單人份量，而店家會負責煮熟埋啲食物，上枱已經食得夠哂味，不洗再調味或者蘸碟。🔥成都麻都湯C餐 $98★★★★☆任選12款配料另送2份主食，湯底叫左招牌成都麻都湯(小麻小辣)，主食分別叫左紅薯寛粉、米線；蔬菜類：鮮淮山、蓮藕片、萵片、土豆片、海帶；肉類：黑豚肉、豬大腸、牛柏葉、豬紅；菇菌類：金針菇、生根、木耳。配料選擇多兼齊全，一般平常嘅火鍋配料都有齊哂，只係肉類方面會少啲選擇。但問題唔大，因為主要都係食佢湯底個味道。份量方面上枱幾大份，咁當然每樣配料份量唔會太多，大概得幾舊，而蔬菜就會相較下比肉類嘅多一倍。湯底係純麻辣香，加埋蔥蒜、芫茜，味道剛剛好唔會太咸，配料浸埋落去索哂Ｄ味道好惹味，而且順口唔會嗆喉。食落所有食材都新鮮，蔬菜唔會煮得太淋，夠爽脆，便便地2-3個人一齊食都好足夠，而且加上主食有麵或者飯。另外十分推薦大家叫紅薯寛粉，吸哂啲麻辣湯，口感煙煙韌韌，好正！🔥酸菜魚 $168★★★☆☆因為多人食，叫左大

平時下午得閒就會去食，次次都係食6餸冒菜既，5款餸+1粉麵～ 其中紫菜、黑豚肉、木耳、火鍋寛粉係每次必叫的。今次我都唔例外～嗌左木耳、雞肉、黑豚肉、紫菜、鯪魚滑、火鍋寛粉。中麻辣。每樣餸都有小小，過下口癮，一上枱個湯勁咸香，面頭有d 紅油，無酸味係純麻辣火鍋口味，而紫菜索哂d 湯汁勁入味，雞肉係雞胸肉黎既，黑豚肉彈牙，鯪魚滑正常，火鍋寛粉勁索湯汁同勁煙韌，每次夾1條有排咬但勁鐘意食😆我自己就覺得份量有d 多，所以我通常嗌小麵，不過見其他人就話份量偏小，所以都係睇你食量多唔多😂

唔好比個標題嚇親可能小妹未食過其他更好佢嘅酸菜魚真係大件夾抵食有少少藥材味但接受到（但係我本人好討厭藥材味）魚無腥味 無骨 無泥味有大中細分 雖然加咗價但一樣會支持 成日特登入元朗就係為咗食酸菜魚 身邊嘅朋友都比我杜咗去食冇靚裝修 但有真材實料 值得一試佢嘅凍奶茶幾好飲🙈